其實係咪正常人都會咁？先相處一﹑兩日，玩左一﹑兩個GAME，就分黨分派﹑其心必誅。輸家真係輸得特別難睇。
鄭泫揆依舊陰濕，靜悄悄問人拎金幣攞料，又話自己係睇圭賢頭先一齊玩，講到要置身事外咁。
邵熙既眼神，先唔講佢送個金幣比7HIGH既心思，單睇佢既氣場，就覺得條女唔簡單。
呢兩個人第一日探索健身房就FEEL到大家好似，今集又勁有行動力一齊開門入白房，好想睇之後會點對決。
祥延基本上第一集訪問話自己95%-100%做冠軍就知道佢係廢既。
Justin個感覺勁似醫生，明明有啲頭腦，又成日比人起尾注，最後要靠自己單打獨鬥撐個勝仗返黎。今局佢睇清楚兩個八婆都係陰險小人，希望可以同另一邊重新洗牌，唔使同一班人自己玩自己，迫住大家兩隊廝殺。
今集雖然係個人賽，但一睇就知有辦法玩針對，好彩局面無去到咁難睇。放諸上一季軌道玩一定又會玩爛，無而家咁好睇。
如果堅要單打獨鬥，一開始諗到兩個策略。6個人，19 Round，10分鐘，Foul 1個。除開搶到3勝就夠基本數，每勝大約可以分3分鐘拎。
第一個諗法近似Justin咁，等到後期用高價同尾數強搶，不過會去得再盡啲，頭2盤都用上3分鐘爭。去到後期戰況都白熱化，好似而家咁其實大概知其他人無乜幾多淨，而3分鐘亦唔需要再count剩餘時間，所以會比2分幾鐘更穩陣。
實際上唔係爭第一，用2分鐘左右去搶個邏輯到而家都唔明。
至於第二個諗法就狼死啲，同樣用3分鐘搶，不過係係第一﹑二局就出手。一黎想拉高之後搶分門檻，二黎睇下有無機會破壞所謂既聯盟。而剩低個4分鐘就睇戰況，可以中局偷雞就偷，唔係拖到近尾位又係bump晒落去。不過咁明目張膽有機會比人聯手夾攻，容易得不償失。