生活館關卡：《騎士巡遊》
不出眾人所料，亦真係唔止去到7*7，不過都無去到10*10咁誇張。如果練埋既話應該輕鬆輾壓。而家鄭泫揆臨時解題都可以過關，實力同心理質素真係非一般。
監獄關卡：《FIND THE KEY》
呢關就簡單得多。比上一季同電腦玩更加係淺左幾個LEVEL。基本上成個設置一望就知。第一條女入去都會失敗，真係智力有問題。
經過兩日之後差唔多所有人都殺紅左眼咁款，明明都無明顯敵對行為，真係人性等同魔鬼。
鄭泫揆一路針對世石，扮都唔扮，其實過關係咪有獎佢無講出黎。睇佢人設大轉變，勁積極同主導，明顯有鬼。最好笑係連一直面慈心善既邵熙都話要整死世石，到底佢地有幾驚。而後尾鄭泫揆用個一篤就穿既話術黎呃玹準，令人好懷疑佢既智商有幾浮動。
天諾同邵熙同圭賢一直一齊玩，感覺唔太好。有啲上季東載﹑偲源﹑河工既影子，好容易被人防死反殺。而天諾﹑圭賢真係太幼嫩，兩次都出面組大團，結果都被鄭泫揆推出去背叛團體，睇黎好快就死係所謂既自己人手上。
兩個監獄八婆既嘴臉，真係好差。
最後9條友真係一度聚埋一齊傾，丟低世石同Justin唔理，其實同上季軌道有乜分別。難得世石同Justin都笑著面對，仲要做單兵，咁先有玩遊戲既風範。
7HIGH雖然心理質素差，感覺比其他兩條女都正常得多。組左9人大團都sense到有危機，又敢去背叛返人，另外2個人真係得啖笑。而結果7HIGH又比人丟低，又係黎搞笑。呢個情況可以既話梗係拎返主導權，比如同兩個單兵deal下，提升下自己既價值先啦。
可惜既係5條友你防我我防你，根本唔願意合作，連傾deal都要分開傾，都係魔鬼人性。
最後一節真心想講，用毒葯食巫婆呢招點會諗唔到，同一招仲要用兩次奏效，痴線。中間既人根本偷到雞，呢個就係分配兩極既壞處。而可以攻擊玩家呢一點，比我一定第一時間就確認左先，點會一直糾結淘汰規則。