有趣多重反轉既小品：第一部懸疑，第二部推理，第三部算奇情，拍出黎既細節好多玩味，設定同伏線都有心思，但係要比上推介又硬係差咁啲乜。
或者設計上雖然話反轉左兩重，但係所有野都只係舖係第一部，然後第二部就生硬解畫。其實一邊睇一邊都覺得不合情理，有乜理由兩個警察咁樣同人解釋自己查案？好睇係在於之前既懸念都用鳩味黎重演一次，但係脈絡上變左搞笑風又格格不入咁。
第三部用一句「邊個係今次既受害人」黎轉換太過生硬，始終唔明點得出咁既對白。但係得知自己死左既一場再回返被殺時候一段的確有啲惆悵。咁好既人咁就死左。讀者同作者既情誼係呢度其實有啲空虛，一直覺得作者無理由對讀者表現得咁冷漠，結尾仲要話好多謝佢同認得出佢，到底係導演要求定演員問題？
最尾彩蛋如果唔係轉生成間諜而係殭屍應該爆好多。反正黎到呢度開頭建立既正經懸疑感已經無晒，不如玩盡佢再變一變個風格會更好。