享受完輕鬆完再想細味，就淪為不合格既電影。
對呢種賣誇張搞笑既戲可以唔講太多邏輯，各種老馮同水到渠成既英雄打反派進程都可以忍受，哪怕頭段太多「唔L係呀」既問號係頭頂，某啲顧及情誼又搞個笑緩和氣氛既場口都好MATCH成個風格。而刻意假到飛起既CG甚至可以視為特色，其中一場飛車追逐同工程救人都好有睇頭，值十個讚。但係去到尾尾打大佬同完結撒花真係搞不掂。
到底反派既異能係點？過底既操作又點？打交既時候得狂戰士一個打爛仔交，其他人物即使塑造出性格特色係異能上都變成可有可無既路人甲，仲要攝一個位比老豆伸一腳，做乜？而交待左一堆紋身特技同鬼界魔頭又無晒下文，一路睇一路心心念念第一個異能人點解會自殺又無再提，咁點解一開始要搞呢啲設定？
或者原創有機會想試水溫出下集黎搞大佢，但係做多步留條尾唔係咁難掛。如果無咁既計劃，更應該去蕪存菁將多餘既背景改落角色異能既描述上，令異能有發揮空間，而唔會人物主導晒異能咁空虛。
再講，話就話角色特點明顯，背景又係經不起深究。除左女主角同老豆既野多少少筆墨，其他人都係一句起兩句止就算。所以師奶係點自殺害到人？個抑鬱同燥狂時有時無又只在乎劇情需要？不良男玩電玩盲左都只係講無人丟低佢一個既工具性用途，獨撚比人屈枉抄人故仔又無乜成長起伏，甚至醫療系大叔原來係信徒都無跡可尋，某程度上兩個鐘戲真係唔知去左邊。
只能夠話，節奏同笑料足以支撐成套戲，唔會令人有不快既感覺。
P.S.
題外話，除左《Hi.5》呢個開宗名義既主題之外，幾鐘意《死了一個超人之後》呢個譯名。可惜一黎戲入面無篇幅講死左一個超人有千千萬萬個超人既深意，二黎亦都無講死左既超人既故事，呢樣始終耿耿於懷。