超鐘意呢一集。
如果從角色成長既角度睇MEGAN由小朋友學習成大人既軌跡其實好好睇，亦都好鐘意一開始成個屁孩串串貢既表現，當然唔少得特登比個耍寶軀殼佢賣萌。除左講AI科技野同樣有上一集唔多但有深度既父母教學，由MEGAN發火問點解GEMMA咁憎佢真係句句到肉，明明MEGAN都係GEMMA個女，點解要咁遷怒佢而唔糾正同信任佢，更加唔面對同承認自己既過失？對住侄女CADY一樣，得MEGAN由自己成長出發去比佢成長，其實任何人任何事，包括對於所謂科技野，與其處處諗住點控制佢成為自己想要既野，不如引導佢向正面方向成長更好。無論現實定戲中，由始至終都無人想用科技令人生活變得更好，只有令人更加低賤。如果唔想廉價勞工被機械人取代，就將人類變成機械人，係咪痴鳩左線。
同上集比無左驚慄元素其實還好，本身上集都唔係令人提心吊膽既戲碼，反而機械人配中國功夫有啲睇頭，但係無用盡機械人既特質就差左啲。另外AI傢俱大戰FBI一場都過癮，不過都係唔夠喉，相似既橋段其實唔使AI，普通打打鬧鬧既喜劇都見唔少。
比較乏力既係結局又係男主角做奸狗，名義上消滅邪惡實則憑自己喜惡唔知做乜既老套橋段。其實用Amelia做反派已經足夠，而家變黎變去定位不明就顯得多餘。去搵全世界第一台背叛人類既智能電腦都可以好好玩，首先諗起《普羅米修斯》同《Blade Runner》。懼怕AI可以照而家劇情走，甚至再打一場滿足動作場面；強調人類責任可以講當時既AI根本無殺人意識，係人類越黎越複雜嗜血先產生出Amelia，令Amelia失望弒父。而家純粹大路野唔知點解搵到家人就變得強大又獨自其身，一個字，悶。
最後既最後MEGAN再次出現，似乎無第三集既打算；如果有，至少希望佢仲係一個機械人，唔好變到真人咁款，無晒特色。