《騎士巡遊》解謎時候好體現到班女人既爭勝心強過班男人，而且智力在線。不過一路睇一路諗，假如特別賽真係玩呢個Game，應該係9*9﹑10*10之類既進階模式，之後有時間應該解定先？
今季咁分組法，提示又咁簡單直接，明顯同上季自由分組唔同，係一開始就強加親密度；所以仍然覺得7High或者其他第一場贏家主動入獄係可以兩邊都有人脈。只係以制論制，上一季自由人打法會好玩啲，唔會咁快分組對陣，減少玩家之間既化學作用。
但又再睇返Game 2設計，的確兩大組係易睇同易打。太多細組當然會更好玩，但係戰況會更亂，製作問題吧。
7High，又係靠嚇。
圭賢，中間點解會幫對家？
開場邵熙唔記得謎底又搞到開局錯晒，好有TG某一場既既視感。可惜唔記得係邊場。
世石策略唔可以話錯，開戰一定係咁打，但係群眾立場唔同，敗在社交一環。尤其綑綁其他人一齊樹不必要既敵人，比我一定先除之而後快。
鄭泫揆又係勁狗，唔想出面做衰人，仲借優勢搲著數，背後又煽風點火引人開拖，正契弟。
八條規則未估得晒，但係第四條睇唔明咩意思。
聽日睇埋第4集，終於可以碌討論。