個人戰，太個人，難啲睇到個人特色。
話雖如此，係咪真係無合作可能？比如真係嘗試結盟，係咪有可能係最尾一回夾份淘汱剩低個個？
不過咁玩法真係要好強大既心臟先做到。
Justin留低係好好既交待，點講都係比人出賣左，太可憐。
但係全場唯一有樣既CHUU走左又係另一種可惜。
荷潾雖然贏到最後，但係兩集都無乜鏡頭，唔太知係邊類型玩家。
世石既心態好好。Enjoy the game。
反而調返轉睇7HIGH係社交談判上面真係弱左啲，保唔住紅組幫拖既條件無其他嘗試，只係一味靠嚇。而最差既係世石都讓左個位比其他人，身為紅組負責人既佢更應該讓個位比自己teammate。既可以做個好人，又可以係後面既玩法增加bargaining power。入到去可以籠絡一班人，出到去個個都欠左你一次，點計都係賺到笑。而第一場比賽容錯能力最高，只要對自己實力有咁上下信心都唔會怕輸。再者有睇第一季都知監獄都有著數，甚至係扭轉乾坤既一步，早啲睇下都唔係壞事。唔行呢步真係太差。