好喜歡好喜歡好喜歡。
平淡﹑慢活﹑認真現實所以活在現實，兩女主兩男配都係好令人憐愛既角色，各人互動亦充滿溫情充滿愛，能夠認識呢種バカ，有過一齊胡鬧既日子實在太美好。
四人係海邊一段太正，能夠混入一個「表現者」吹色士風更加係神來之筆，可惜兩男出場太少，但能消逝於「因為導航子服務中止而一齊去一轉鐮倉」既結局，除左符合「不要課金追求使用權」呢種主觀美學，亦令兩段情誼細水長流，無憾。
題外話，無插線塞耳機實在太有共鳴。
各種九唔搭八又帶有深意玩味既對白好想一一記低。
其實いとう話ルカ「唔知世界上有80%既人係想做啲野又唔知做乜好」既說話唔多準確，係10%知道自己想做乜既人入面可能有1%既人係「知道自己想做乜但更加清楚自己根本做唔到／好」，而ルカ就正正係呢一類人。所以係戲入面唔係個種好努力追夢好想成功既戲碼，而係一直望住現實一直躝跚向前既疲累感。「駄サイクル」。ルカ留係BAND入面同柚実同居落去未必會變成呢種人，但陷入無人明白既泥沼當中亦唔會有乜野出路。能夠獨自上京出道與其係比佢一個機會追夢，更多係有個出口等佢發泄離開，或者失踪逃跑之後佢無再玩音樂，但又也許佢會活得更加舒服。
關於柚実，我現時自己肯做飯，雖然最後完全變成「先輩」，但此前一場一個人去超巿既舖排就有點不上不下。作為依靠ルカ既迷妹突然獨立好似無乜建構，作為ルカ支柱撐起まいご中間又少左場戲。仲有多多少少身為明女一暗女二始終少左啲「睡意」，只得可愛描述既「笨感」，算做少瑕疵。
以title為名既歌係最後終於爆發出黎，處理得相當之好。尤其睇完《GLASS HEART》個種鳩接既展現，呢次又靜靜期待﹑到歌迷啞言﹑結他SOLO﹑鼓佬music break入﹑繼而兩支結他，聲音畫面都係循序漸進，唔會撈埋一舊。配搭BANDMATE古怪但滿載團魂既動作演技，唯一敗筆或者又係出係柚実身上，衰在太多廢話。
當然，睇住A‧または人間呢個連名都衰過人既轉變，柚実既怨言可以理解，佢既嘶叫都係一種情緒，事實上睇到ルカ做偶像都真係睇到心痛，但就係格格不入囉。還好，最後既最後柚実聽住CD去幕尾，呢首歌真係好正。