垃圾翻譯名，其實係普通夜班，對護理人員再熟悉不過既平凡一天，毋須特別失控，都夠疲累。
另一個譯名就咁《夜班》反而夠精準。不過原名《HELDIN》解「女英雄」，都太，失真。
作為電影去睇，無乜故事性，就係記錄片咁濟，而且將成更八﹑九個鐘既事變成一個半鐘咁少咁濃縮，有種難言既「成日流流長點過呀」既雙重矛盾。
的確，嚴重人手不足既情況，真係好難過。
雖然好平實，但係作為電影，呢種平實又實在好看。每一件小事不斷累積，令女主角毫無喘息空間，鏡頭﹑節奏，都製造到個種唔能夠停低既氣氛，而燈光同配樂都好夾，唔係賣慘既重壓，當然更唔係燈火通明，而係無乜大事，所以無野需要爆，有啲抑鬱又有啲希望既感受。特別係前段岩岩開工，仲未入夜，人都多啲，每完成一件細剔事項就轉種疑幻音樂，出發去下一個task，其實幾正。
後段當然有少少公式。不過都在情理之中，最合理到事態發展係佢係有限空間當中每個角色都建立到特質。唔止主角，係每個出場既過客病人。明明勁忙勁趕，都記得低大概邊個打邊個，有咩事況要處理，咁既處理真係唔講得笑。睇黎護理人員既高度集中狀態都完美COPY出黎。又或者反而係咁，先做到過目不忘，連一向面盲既我都有心裝載。
去到八﹑九點？定十點？終於收工，先知原來夜班之後仲有一個大夜班。屌你老母，咁岩今日先知「壓軸」唔係最後一場，壓軸之後仲有「大軸」，有無咁撚橋。
完場前上字仔講醫療服務因為人手問題而越黎越嚴峻。well，都幾合理到套戲既主旨。
最大讚位作，作為一個演員，舉手投足都做到成個護理員咁，唔止係專業手勢，連行步路都似到十足，女主角堅有料。
不過可能年紀大，都係鐘意睇《Code 3》既喜劇多啲。