由音樂始，以音樂終，半小時演唱會直落，洗去各種枝節，不得不大讚特讚。
雪乃一段最為感動。誠實﹑勇敢地面對自己﹑面對音樂，包含掙扎﹑嫉妒都充滿人性，最後得到既機會同愛戴都係應份，好難唔想喊。
桐哉出場就稍為刻意，不過情真意切，氣氛搭救，當係特別嘉賓亦無不可。
最後一首新作《GLASS HEART》係成個氛圍同樂迷瘋狂叫喊既情況下真係威力萬鈞；其實唔止呢首，其他歌都係，無左LIVE既能量都變得可惜。好神奇背後咁多唔同單位竟然可以合作寫出屬於「TENBLANK」既音樂出黎，音樂真係好奇妙。
好多唔同文化界別既交流，單以呢集論，真係做到音樂同戲劇水乳交融。所謂愛，莫過於此。
P.S. 再睇一次雪乃一段，真係前奏開始已經心跳如雷。朱音既獨白同雪乃既猶豫交錯都好打動人心。兩個人台上對視實在係太可愛﹑表情滿分。之前雪乃各種莫明奇妙又唔討好既舉動都一掃而空。