簡單但極為有趣既電影，相比追求速食﹑刺激既潮流電影真係好難想像點解咁基本既設置都可以拍得咁吸引。
一開始既VO簡介令人迅速明白故事既背景，一邊講一邊係身後重演事故幽默得黎帶點悲哀；配樂亦展示出獨特既節奏同趣緻，每每係風趣或者轉變既時候就敲響；用色同毛粒既美術除左有異域風格仲好配合舊年代既質地，仲有一部部牛龜電腦同打印機；甚至最尾搭LIFT既SHOT都令人嚮往坐一次充滿開明感既電梯，再對比先前同Regina搭既時候封閉而間隔既畫面；而高處望去青藍既天空係如此可愛，世界係如此遼闊。
當然，細節上既瑕疵其實都唔少。比如Carlos要做個好人角色何必安排一場嘈交戲比佢﹑Corina老母點樣比個女離開﹑Regina既思想同同居女人既暴力意義等等，另外更加希望改寫既故事結局更能對應Corina既心境轉變，不過整體黎講睇到Corina面對自己，走出一個未必係舒適既六條街籠牢，最後學識點笑，講得出心中所求，或者呢種甩甩漏漏既步調更加適合《CORINA》。