haha
haha
好多日都無打日記，因為實在無乜節目-0-
今日就有啦，同左 eric生 文仔 bc 出街，
去左唱Ｋ，好好笑，不過我就唔係咁得，
因為呢排唱得太多囉，但係都好開心，哈哈。
不過又係夜返啦，天水圍Ｄ人真係好衰（某Ｄ）
夜媽媽，嘈鬼住哂，想死都未咁大聲啦，
激死！
haha
今日去左美食博覽，好多人，係咁起雞皮，
試食左好多野，自己買左EDO餅，好食，哈。
最感動係，本來諗住走個陣，見到一個熊貓袋，超得意，
然後又返轉頭，30蚊5枝野飲，送你一個，
我無諗過買，因為好唔抵咁，點知個男仔話送多一個袋比我地，
黃生就真係走過去買，嚇親我，我個陣淨係識講：真係買架？真係買架？
個男仔又送多枝野飲，隔離個女仔仲收少左黃生$$
總括黎講，10蚊6枝野飲+2個袋，我差Ｄ就喊架啦，
仲可以去抽獎.....我未見過咁好既人架。個女仔又得意喎><
（係益力多個度都見到一個好靚既女仔，不過無得同佢影相）
買完野就走囉，去左睇個唔知乜乜，好勁，好靚！
之後搭車去屯門碼頭，搵呀ming，等ING見度文仔+maka佢地，
之後同MING去左沙灘坐，係咁食野聽歌，好正。
之後，12點後，打比ERIC生，祝佢生日快樂，
大約2點幾3點，去搭車，見到小巴就上左，諗住去富泰轉車，
點知唔識落車，同呀MING去左落馬洲，痴線架!!嚇鬼死。
係落馬洲同MING分開，佢搭回頭車，我就搭另一架返天水圍，
去到元朗，黃生話落車轉N車，咁就轉啦，
轉左N車都無咁驚囉，因為成日搭，哈。
千辛萬苦先返到屋企，個陣係早上4點....
haha
今日同姐姐出街，去買野，買左我鍾意既野，
姐姐就買左個袋，用黎返學既，襯哂佢套工衣，哈。
我地又去左食下午茶，不過無去到打機，
過左陣，本來姐姐要出青衣既，後尾又唔駛出，
好彩，如果唔係我又要做人地電燈膽囉！！
天氣熱到我地兩個頂唔浦。所以就決定返屋企嘆冷氣....
不過返去之前，去左買野食，買左勁多，哈！
總括，今日好開心，但好熱。
haha
今日無乜特別野，姐姐晨咁早返左教會，
我就訓到鬼咁晏，因為琴日有條友唔比我收線...
起身食粥，琴晚個餐又係粥，哈。
下晝左右，自己落下街行，原本諗住睇戲，但係又驚，
因為姐姐話套戲好嘔心，最好唔好睇，
不過都有Ｄ心思思，聽日再去挑戰下！（魔虫口入）
好想打麻雀，死啦，上左癮添。
ha
好消息...姐姐入到屯門間IVE。
我今日可以去買電話!!即係話，我聽日可以SD得訊息LA'''
待續。
買左電話囉，不過唔係初初睇岩個部，
舅父話事，佢比錢，佢大哂....-0-其實我要分期比番佢架，
每月百幾蚊咁慢慢比佢，好慘
有無人幫下我？
祈禱係咪真係可以幫我解決問題？！
我淨係想屋企唔會有事咋。
ha
都唔知有無搞錯架，一返到黎就黑面，
望住我張成績單係度嘈，
又話我低分，又話跌眼鏡，你想我拎幾分你先滿足，
你咁叻咪生個天才出黎囉，我不嬲懶你知架，
由細到大你都唔理我Ｄ成績架啦，家下算點喎，
我自己滿意咪得囉，你話我要拎17分就拎到架啦，
你自己去考拎比我睇囉，怪就怪你生個女唔係天才，你大女讀唔到中六，
你細女做唔到十優，你咁想有個叻女咪自己再生過囉，
諗住你會開開心心，點知一返黎就發老脾，你仲想我點喎。
姐姐入唔到IVE又係度話佢，佢想入唔到既咩？！
呢3年係邊個賺錢返黎呀，唔係姐姐係咁幾千幾千蚊咁掉出黎，
肥爸有得做生意咩，屋企又可以由得佢係咁蝕錢呀！！
家下佢想儲錢讀書者，又話佢大駛，又話佢唔理屋企，
你仲想佢浪費幾多年比你呀，話就話要養你地兩個者，但係唔係咁養呀！！
唔係做生意既材料就唔該你咪再掉錢落海啦，你自己諗下呢幾年姐姐比左幾多錢你呀！！
haha
今日放榜，成績都OK..不過自己唔係咁開心，
原因係我想去讀IVE多Ｄ，我好想快Ｄ出去.......
但係又唔敢同屋企人講，
我諗住今晚同姐姐傾下，況且，學校都唔一定收我既。
好！加油。我要同FISH一齊去闖世界>3<！！
haha
今日，AVERY生日，生日快樂！
今年要係外國過，加油啦。
電話仲未買，遲Ｄ先買，買個自己鍾意既！
我都唔知自己點諗，諗黎諗去都唔明，
可唔可以比Ｄ時間我？
我想去睇o個個咩鬼 魔盜王 + 魔怪屋！
好似好正咁，一定要睇。
um..呢排有打一隻 online game，哈哈，唔知有無我識既人玩呢？