FOK

6月1日，新一個月啦，今日呢，要返去補課，

補完課，留低一陣，因為BC老師教番我無上堂既野（THANK YOU！）

之後就走佬，出左門口打比霍大姐，點知佢仲訓緊，唔聽我電話！！

算數，咁就返左屋企，三文治當一餐。

食完野，食藥，過左鐘，不過無理到，偷雞一次。

係屋企，睇網王最新個兩集，全國大賽！！

超正，重一次過睇埋（人物對話）+（事件翻譯）！！

好感動，一路睇一路笑，期待緊菊丸既單打，一定好正。

琴日，出左街，不過就麻煩TOFU了....

好開心，又唱K，又打機，仲影左相！！

喂喂喂，有齊哂我+TOFU+靜怡，咁重又邊個無影呀！！

咪你囉！！FISH！！再唔出現我就唔客氣架啦！！

久別重逢既（日記），你好嘛？

FOK

成日都無野做，好得閒，但又唔日日打日記，

咩事呢？一個字：「懶」。

好啦，都無乜野好玩，有咩好路數？！

FOK

EEE.....考完會考最後一科一個禮拜後，

點解我仲要返去補課喎，><有無搞錯喎！！

又要早起，又要做功課，我唔要呀！！

琴日去左睇醫生，個女醫生都幾好，又叻！

GOOD！值得一讚！！

夜晚飲藥，好苦，苦口良藥。

FOK

今日，考完試就同個FD出左街，

行左成日，又去左打機，

超級無力，成個人好虛咁，食埋夜晚個餐，

成10點幾先係青衣到走，

去搭地鐵個時，呀MING打黎，約我去街街，

不過我今日又出左，聽日又出唔係咁好，

唔好意思呀！！下次再約！！

仲有既，就係：KIKI、文仔、ERIC大集合！！

FOK

今日係屋企休息，做下屋企野咁啦，

之後就炒飯食，不過又想食豆腐花喎，

所以自己走左落街買加還書，

天氣好熱，不過好大風，好清涼。

FOK

終於考完中文啦。

差兩科就搞掂，好開心，

考完就要搵野做啦，要努力儲錢，

然後就要去返學，向我目標進發！！

今日考完試，靜怡打黎，話打麻雀，

之後就返屋企同姐姐食野，等佢電話，

搵齊腳就過去啦，有豆腐，我，靜怡同YKM

今日無乜運，都食唔到幾鋪，印象中好似食得一鋪咋，

今日唔知點解打得好慢，不過就玩得好開心，

好夜先返屋企，送豆腐搭車，

之後自己就追車，好耐都未試過跑得咁快，

哈哈，搵日真係要去同人鬥下賽跑！！（好無聊）

返到屋企，就即刻沖涼，因為成身都（癡立立），

最討厭就係熱天，又曬又熱，

沖完涼幫姐姐整佢舖頭Ｄ野，都幾多下，

Ｄ飲品名好過癮，整到唔知幾點，好眼訓呀！！（大叫）

FOK

今日下晝，

收到呀敏既訊息，

講話小學同學-陳家朗死左，原因應該係有病，

有Ｄ唔開心。

FOK

今日呢，考COMM，幾好（掛），

繼續努力。

去左行街，無訓覺（呢句係打比文仔睇既）

買左野，好靚，好開心，

之後，係屋企聽歌，好舒服。

都係無午睡到（我無訓呀！！）

小事。

想鎖個日記 OR 轉個日記， 不過都係考慮ING..[[[]]] 有Ｄ失落，有Ｄ野消失左， 究竟無左Ｄ乜呢？！我總係覺得係無左Ｄ好緊要既野， 但係自己又好似唔係好想記得咁， 成個人都好唔知點咁，如果可以就咁消失都唔錯。 呢排成日頭痛，以前都係一個禮拜一次， 家下兩、三日就痛一次，睇黎真係要食下藥， 身體開始有Ｄ唔妥，會唔會好似....以前咁呢？！ 有Ｄ怕，不過當食生菜算數。||||

落雨。

落雨，呀媽一定會打電話黎叫我收衫，

再係咁落雨，Ｄ衫都唔駛乾囉。

今日溫左中文，不過都唔係好多，

「敬業與樂業」覺得呢課好有用，唔知點解，

我幾鍾意呢課書，講Ｄ野幾好，

所以，今日都溫得幾開心。

呢排又開始暈暈地，企得耐就會好辛苦，

咁情形，當然唔少得我既（補品），電解質及水份補充飲料，

哈，無左佢，我真係暈左幾廿次囉，

嚴重Ｄ，仲要飲埋葡萄適，不過呢隻野好易肥，

我唔係咁鍾意飲。

好想去睇日出。