FOK
今日係我考最後一科既日子，
朝早起身就返學補課，遲左去，哈！
補完課同 TRACY去食野，一路食，一路溫，
仲有雪儀，湯湯，LEO，我地逐個逐個走，好似慢慢去....
之後 TRACY陪我去左市中，我地再行去西鐵站，
等左好多班車，因為我地太早囉，坐左係度玩。
最好笑係我食即食腸個陣...哈！!
（等ING車，見到 史力奇先生，連續 2日囉!!）
去到試場，唔緊張，真既!!！
TRACY係第 1批，我係第 2批，好想食 芝心批！
結果都幾好，至少我滿意。
放左，搵 BC小姐，佢仲匿埋，哈。
去銀座個度四圍行，
之後搭車去元朗，我都唔知自己係唔係住係天水圍架，
我竟然係咁帶錯 BC搭車，真過癮!！
去到，食野先，係我好耐無食既 牛肉飯，正呢?！
之後，去行街，又正，好鍾意行街，
仲約左 小白臉出來（我記得係咁叫過你架!!）
去打機，玩左我想玩既，只係差太鼓無玩，哈。
打完機，食雪糕， TOFU味，我搞到成身都係，好香....？!
去搭車，諗住送左佢地先，因為我住得近嘛!!
點知，我搭左一個站，見到佢地上車，
WA..勁感動，個陣又夜，就黎無尾班車，
天氣又熱，仲要等 10幾分鐘先有我班車，我差Ｄ就....
不過都無，我勁人黎架嘛。車上有 2個女仔係咁望住我地添，哈！
最後順利歸家！！
（多謝你地既 車票，7月1日，正!！
仲有 BC小姐個新頭，唔錯，又大個左。
最後，多謝你地既驚喜，多謝你地擔心我，
今日又係開心既！！）
FOK
今日，一早返去補課，
都係做下A，B，呢兩樣野，12點就走得LAW!!
同 BC小姐去食野，個飽太硬，搞到Ｄ飛滋好痛>︵<
傾完計，就去左4圍行LA!!
突然！！我地搭CAR出去TW，話做就做，後生仔？！
去到，行左好多地方，行到1間舖頭我地仲擺左烏龍，好白痴。
陪 BC小姐買野，收獲唔錯..
好耐都無好似今日咁，講真，真係玩得好開心，
好舒服，唔知第日仲可唔可以好似今日咁呢？！哈>V<
嗯！我知得既，因為我地都大個LAW^^!!
FOK
今日，同姐姐一齊留係屋企，
咁當我地係到睇緊動畫（金田一）既時候，
有個位超緊張，我就係呢個緊張位飲左一啖糖水，
突然！！當金田一先生指住個兇手個陣，我好大力咁打左個
（乞痴）！！「唔係好識打呢個字」
Ｄ糖水噴哂係姐姐後面幅牆，好壯麗。
我地笑左勁耐，我都估唔到自己有咁既能力。哈！
FOK
今日好開心，原因係夜晚我要出去同爺爺食飯，
咁我就係元朗四圍走，等媽咪放工，
點知係商場行行下，有個人叫我申請信用咭，
佢勁係度介紹，我就忍住笑係咁話唔駛同埋行走，
落左一層我先敢笑出聲，我咁大個第一次有人叫我申請呢Ｄ野架咋，
哈哈，超開心，所以之後去左夾糖食。
FOK
今日係媽咪生日啦，夜晚出去食飯，
當然又係去食齋啦，不過我就唔係咁鍾意食啦，
一路食飯，姐姐同肥爸一路係到講世界盃，
超無聊，搞到我淨係睇住個電視發夢，
媽咪就唔知點解好有耐性咁聽佢地講，比我就唔得啦，
差唔多9點幾，肥爸就去銀座同FD睇波，
姐姐今晚就好乖咁留o係屋企，因為聽晚佢又要出去，
琴晚就去左酒吧睇，聽晚又唔知去邊到睇囉，真係曳呀！
我又唔好呢味野，如果唔係都會趁機出下街，
都唔知點解姐姐會睇波既，真係好奇怪，
比我揀，我寧願踢波，好過睇波，起碼無咁悶，
不過兩樣都唔係咁o岩我，搞到家下好鬼無聊。
遲Ｄ夜晚去跑下步，
如果唔係下次比醫生鬧，
話我成日攤係屋企，肥爸又會叫我做XX蟲架啦
FOK
唉，今日超大雨，不過我都晨早出左去，
搭搭下巴士先知掛緊黑雨，
出到去，仲死，有遮都好似無用咁，好彩唔係好多人咋。
大約12點幾就搭車，同霍大姐會合，
搞掂哂Ｄ野就又送佢走，又少少覺得自己好無聊，
之後就搭車返屋企，都差唔多成4 5點先返到去，
咁我就等啦，等（...），唉，不過無去到，
等黎都唔知做乜？！
節目豐富，不過好混亂。
FOK
夜晚睇（捉鬼天狗幫），呀鈴死左
我無諗過佢會死架，之後我就一路想喊想喊咁，一路叫姐姐叫佢唔好死，
不過姐姐話係最尾個集死都算係主角，
但係我都係好唔甘心呀，點解佢要死喎！！
朝早，起身屋企無人，姐姐返左教會囉，
整下野食，摺下衫，玩下電腦，
死都唔肯去溫書咁款，點算呢？哈！
我實知死既，今晚必定臨急抱佛腳。呵呵，幾好幾好！
FOK
本來呢，要返學校補課，不過個天唔爭氣，
落雨落得好勁，搞到Ｄ衫唔乾，有Ｄ仲要洗過！！
好嬲！！但係唔可以鬧個天，因為雷公會唔高興。
打雷打得好大聲，好彩今日有人陪我（姐姐）
所以就無咁驚，呵呵，姐姐真係勁！
UM....我想去睇海神號，但係（...）又話無聊，
（...）呢個人真係好過份，要人睇另一套，
算數，自己去睇海神號仲高興！！
身體健康！！