唔捨得。

睇到KIKI日記，知佢有野唔捨得，

不過，唔捨得點都要暫時放低，我知佢努力讀書，

一定可以番去既。

個個都有唔捨得既野，

我最唔捨得既就係，日日都咁輕鬆，

家下我煩既就只係讀書，但係無幾耐我要煩既就會有好多，

真係好想繼續做最細o個個，

哈，始終都無改到，永遠都要靠人。

開心

今日無聊，打比文仔話打麻雀，

再約KIKI同DEREK，不過，DEREK話唔得閒，

咁就叫左棋哥黎，打左都唔係好耐，

之後落街買野食，照下相咁啦，

都幾開心，到左7點幾就走，自己去左市中（有事做）

好快就搞掂搭車走。

其實係咪打牌都好，只不過想出黎聚一聚，

始終之前考試，太少同KIKI玩，又少同文仔見，

今日雖然見得少，玩得少，但係就覺得無變過。

好開心。

唔捨得。

睇到KIKI日記，知佢有野唔捨得，

不過，唔捨得點都要暫時放低，我知佢努力讀書，

一定可以番去既。

個個都有唔捨得既野，

我最唔捨得既就係，日日都咁輕鬆，

家下我煩既就只係讀書，但係無幾耐我要煩既就會有好多，

真係好想繼續做最細o個個，

哈，始終都無改到，永遠都要靠人

努力。

今日考中文，都算可以既，

哈，聽日係數學，我唔鍾意呢科，

隊長都話驚（乜隊長都識驚既咩？！）

都無同大家講，係日記上面幅圖，

係網王入面我最鍾意o個個，（海堂薰），

哈，呢排迷上既就係網王，超鍾意睇佢地比賽，搞到自己都想打網球，

而日記下面個幅係我地隊既全員，而我就係最右手邊o個個，

（二等兵TAMAMA）

好想比你地聽下網王聲優唱既歌，絕不比平常歌手差，

不過，我的確有Ｄ偏心既，可能無你地想像中咁好聽。

星期五。

考試少左同 KIKI AND FISH 講野，

考完試一定要同你兩個去玩！！

覺得好擔心，越黎越唔想去諗之後既野，

下年一定有好多野變左。

當自己好努力個陣，有Ｄ覺得好恐怖，有種唔似自己既感覺。

考試

開始考試，少少緊張啦，都唔係太大壓力既，

不過，有少少驚自己打後有咩打算，

讀左十幾年書，就快無得讀（唔知呢？！不過好大機會...）

都唔知自己之後做乜好？！

當住自己仲細個好Ｄ，乜都唔駛諗。

情人節

今日係情人節，一大清早就問靜怡有冇朱古力比我，

哈！佢都唔記得左，仲以為我為食添！！

返到去，好開心，因為收到好多朱古力，KIKI仲送左份禮物比我。

好多謝佢LUNCH，見到人。開心！！

放學，同FISH去左整眼鏡，仲去左許願，行左陣，買下包咁，

之後就去搭車走人囉，原先諗住同KIKI一齊去搭車，不過打極電話都搵唔到佢

返到屋企，同文仔傾左陣，哈，又同隊長玩左無聊野（二等兵）

過左陣，食埋飯沖埋涼，就打日記啦，哈！！

（我想豆腐幸褔呀！！）

靜怡生日

今日係靜怡既生日，

我同KIKI都預左禮物同卡比佢，

係小息個陣已經同豆腐 AND FISH整野啦，

之後，食飯個陣，我地（樊安、豆腐、靜怡、CARMY、我）就快步咁行去市中食，

好開心，之後豆腐 AND CARMY飛去買蛋糕，

不過，我地Ｄ時間唔係好夠，影相、食蛋糕、埋單，全部快轉！！

哈！我地仲亂過馬路去搭的士，比警察叔叔（真係阿叔）望住，好似想鬧我地咁，

好彩都無遲到，返到班房，放左份禮物係靜怡到，

佢嚇親，唔知邊個比佢，週圍問人都無人認，哈。

到左放學我先同佢講係我送，哈！！真係笑死。

今日過得好開心，我諗靜怡都同我一樣既。

日記

好耐無打日記囉， 家下上緊電腦堂，好悶，無乜野做， 頭先上IH都係咁，係咁上網睇下野，好無聊， 家緊FISH係我隔離都好悶下，哈！！ 到家下我都未拆利是，尚未知有幾多錢， 希望可以快Ｄ買到PS2打網王GAME，不過，姐姐要等我會考完先肯比我玩， 真過份！！ 好想快Ｄ有班相AND級相！！今年都影得幾開心。哈！

正月初一

大年初一，訓到11點左右起身，

執下個樣同埋食下湯圓就出門去婆婆到囉，

年年都係咁早去到，不過都唔係好悶，因為Ｂ舅父勁係到同我玩，

又拎佢Ｄ私伙零食出黎，哈！！

無幾耐，表哥同表弟都黎埋，不過都係一齊睇下電影咁，

Ｄ大人就係到打麻雀，差唔多6點幾到，大表哥，表姐，表妹...等等全部黎齊，

好多人，食飯個陣好熱鬧，又係分開食，一邊大人，一邊小朋友，

食完飯大家係到傾計，細既表哥成晚係到自拍，勁嘔心，哈！

跟住就抽利是，今年抽唔到大獎，得40蚊咋，但係姐姐就抽到，有120蚊，

媽咪打麻雀仲贏錢，今年真係好好彩呀！！哈！！

大約9點幾就走，一路上同姐姐、表哥傾計，幾搞笑，我仲比大舅父話我成晚無停口，係咁食野。

返到屋企，等過12點，睇左陣網王，成晚都諗住（海堂）、（天根）同（深司）。哈！！