去完迪迪尼

去完迪迪尼了...

心情是開心的.因為伊韻好開心

心情是煩躁的.因為天氣太熱了....人都快熔.女兒更變了水人(太大汗)

心情是激氣的.因為家姐成日唔知去左邊.要我找佢.

心情是興奮的.因為可以購買到優惠貨品.

其實我已經玩左好多地方..但一直要想去探險世界玩..

1.木筏 2.泰山樹屋 3.森林河流之旅

LEE 三個地方我好想去的...因為好似好特別咁..又好得意..

其實我都比上一次去迪迪尼玩多左唔同的玩意..

不過我覺得個個獅子王都唔好睇..而石妹一進去一陣就睡了啦

我都冇吵醒佢..反正都唔係咁好睇..

而個個巴斯光年....我就覺得一般好玩啦...唔知點解我家姐玩時..

有8萬幾分...而我只有8千幾分..自問由細都唔識打機.算吧.

我都係比較鐘意去D 劇場看表現或動圖....

我阿女都係..因為可以見到佢D 偶像..

我地係無聊時間去睇個個哈囉阿古..

裡面係有一個電視有隻阿古烏龜會話嘢咁啦...

一直同D小朋友對話的...阿妹神奇地會回應 &好開心跟指令做事

好意外囉.....

到了晚上7 點...我們本想排隊坐木筏...突然諗起..

未幫伊韻同迪迪尼人物影相..我立即跑去幻想世界...

就先同Mickey 影相...後來同Pooh Pooh ...高飛影相...

最後我相機已冇電了..(上次去時已同minnie 影過啦.)

我就去買記念品啦...阿女一早睇中了一個minnie 的顏色...

我都覺得幾好.

我就話.不如送一個俾蕎蕎表姐了...我看完就拿了一個放入購物袋到..

叫伊韻走時..佢就哭..話佢冇...顏色....(我拿少了)

我就安慰佢話...喔..傻豬..lee 個咪係妹妹架囉..(指住袋個個顏色)

佢話..(唔係..lee個係表姐．．）依家d小朋友真係呀....唉

我只好叫佢..(咁你自己拿啦) 佢就開心了..

我又買左 2 對 筷子俾佢..一對耳環加介指...

我都買左一隻膠閃鑽介指俾自己..好喜歡的..之前都想買類似的..

我會再去迪迪尼的...嘻 i will come back

到了星期六.我就同阿妹去試學芭蕾舞..

佢都好開心..比上次學中國舞開心..就報名了...

每個星期六...1 點至 2 點...

其他相在相機內.send 唔到來這網

呵呵.大家好呀

嘻~~大家好呀...(知道有新人來看blogs .突然緊張起來.)

其實我今天好忙忙忙...但都想來寫一下..

先講我女兒啦...其他上次之後..伊韻間中同我傾電話時.

都會話媽咪唔見左我...咁樣..每一次聽到都好嬲...

因為我超唔想佢記住lee 件事..

我上次嬲嬲地同伊韻講...(係伊韻唔知走左去邊唔見左媽咪呀..)

佢就話.(唔係.係媽咪唔見左我..唔係我唔見左媽咪..)就唔聽..電話

我一直覺得係有人教佢講..我接受唔到女兒咁同我話嘢

但我隻佬一聽電話.我就好嬲咁問.伊韻做咩又講起件事呀....我唔想佢再記住呀...

我隻佬就話..我冇講呀..佢自己講起的..

唉..都唔知係咪真架..之前又怕女女唔識講嘢..

現在又成日激我咁...佢現在有自己一套了啦..

冇細個咁好玩啦..

但今天都有開心事...朗豪坊間extravaganza 同場有七折呀...我開心呀...買了一個袋. 原價$610 折了是$334..

呵呵呵..

我明天就去迪迪尼啦....好緊張呀..希望唔好下雨啦...

開xanga

我諗住去開一個xanga呀.雖然這個網係好靚..

但有時我想放相機d相放唔到.

比較麻煩d...但今天個電腦鬼咁慢.下次先啦

我明天一早起身同阿妹去做親子健身班(太約啦)

唔..佢地個個都唔係咁得閒打blog 了.