頭痛欲裂

哇Σ(･ω･;|||
今晚個頭好痛呀,可能諗得太多野,壓力太大,好辛苦呀(+_+)
不過又想睇埋鋼煉先訓,面又爆瘡,又頭痛(@_@),變得不似人形....
聽日仲要去上堂,收返上次交俾阿sir嗰份section5,好驚俾佢鏟上天花板....
pokemon心金努力值問題一直傷腦筋,宜家先發覺以前升出嚟既典堂lv100既pokemon努力值太亂....哎呀(ﾟΩﾟ;)
睇埋電視就訓,要一覺到天光((＞д＜))

假期呀~

下個星期一係公眾假期,等左好耐喇,對上一次中秋假期好似隔左好耐先到呢一次咁,不過嗰日我都可能要上山喇,唔係掃墓,只係登山,到時一定好攰好攰,而且又唔影得相,因為相傳呢d節日喺山上面影相好易影到平時睇唔到既朋友仔,之前都試過影相,都唔見出事,不過都係唔好喇,之前就話唔知姐,宜家明知故犯撞鬼既話就好抵死架喇...哈,不過如果見到好靚既景我會影既,唔影山頭咪得囉(-^□^-)

苦瓜汁

呢排好熱氣,有時呼吸既時候噴出嚟既氣都好熱,我發覺身體入面好熱好熱,好唔舒服,可能再咁落去我會發燒都唔定,尋日飲左杯苦瓜汁之後好似舒服左好多,話說,尋日上路上堂一路爆瘡o(TωT )好彩唔算多,不過一粒都已經影響儀表・°・(ノД｀)・°・

我既弱點

經過成長,一年一年咁過去,到左今日我終於清清楚楚認識自己,明白到自己有兩大缺點
第一就係我自尊心極之強,比其他人更加唔喜歡暴露短處於人前,如果真係俾人知道左我既短處,我會唔開心足幾星期甚至幾個月,呢份心令我有奮進之意,但係當我失敗之時卻自己狂轉牛角尖,起碼需要幾個月時間先能夠企返起身,記得當日我第一次寫blog既時候我係最失意既時候,我寫左好多好悲情既文字,別人都認為我多愁善感,但宜家我企返起身,回頭望,發現路已經行左好遠,之前既失敗都唔算得上係d乜,只係因為我自尊心極強,自己將失敗放到最大,迫到自己都透不過氣,我係輸喺自己手上
第二就係我個人比較驕傲,一朝得志,目中無人。,當我成功之後就會自鳴得意,傲視他人,對比自己成績差既人可說是無視,結果自我印證驕兵必敗之果,失敗左一次仲未得教訓,第二次第三次先知道問題所在,有時我覺得個天玩我,但我宜家又覺得個天正喺度教化我,教我點去做人,點先可以成功,我發覺一直都好似有人用失敗去教訓我咁,我今日終於明白左喇,多謝個天俾咁多次機會我去學習,唔知呢個世界係唔係真係有上帝既呢,如果真係有,我覺得呢個上帝教化人既方法其實好特別,佢會用逆境去教化你,要你學識點樣逆流而上,如果佢見到你連生存之意都無埋既時候,佢就由得你去死,我覺得咁做都啱既,因為連生存意念都無既人唔好話去教化佢,叫佢普普通通做一件小事佢都做唔到架喇,呢種人不如死左佢好過啦,呢個神只會容納有意志求改變既人留低,所以大家都要做一個能逆流而上既人呀(＝⌒▽⌒＝)

對不起,我又錯了

今日,我收埋左d野,自己唔記得左,就話老豆整唔見,可能因為知道屋企人對自己一定有一份包容既心,所以一直都同老豆撐落去,後來發現原來係自己懵懂收埋左唔記得,就話老爸收埋,之後我好後悔好後悔,我後悔我自己既言行失當,我後悔我懷疑老爸,我覺得自己真係好錯,錯得不得了,最後我打左個電話同阿爸講:"對唔住呀,係我唔記得左件事就賴左你,對唔住啊"其實識我既人都會知要喺口中聽到道歉既說話係非常之難,但係我今次係錯得好緊要,我知道自己係錯,我有諗過逃避,諗左好多好無人性既野,例如將件野收起嚟扮呢件野喺呢個世界上消失左....但我覺得我真係好無人性,我要用自己去還老爸清白,而且我發現原來自己原來可以咁卑鄙,我一諗到呢度就覺得自己唔親自打電話去道歉既話,我同獸類無別,於是我用盡方法都要打電話道歉,最後阿爸都原諒左我,明白係我唔記得左,太開心,我覺得自己對得住個良心,亦為自己先前卑鄙既想法進行左洗禮一樣,我明白到原來善同惡,只係一念之差,但如果順應良心,你會往善去!
一句到尾,如果做錯左,絕對係唔應該諗方法逃避,應該去面對過失,如果你唔選擇面對,可能呢一件小事會成為你日後既遺憾