今日真係過得好開心呀,做左好多自己鐘意做既事,原來每日既生活都可以好開心,大家若有空閒時間,將平日學業,工作上既事放低一下,聽一d柔和既音樂,好好享受一分一秒,尤其係返到屋企,請你安心咁除低你既面具,你既西裝,同埋你為左保護自己而著上身,極之重既護甲,好好休息一下,開心既生活你垂手可得(・∀・)
今日同媽咪出左去飲茶,叫左碟排骨,雞扎,牛柏葉,豬肚,好多好多,最後我同阿媽同佢個朋友都差d食唔晒,當然,以我份人咁唔鐘意有野食剩,最後當然飽著肚皮都食埋剩餘既少少,到走既時候,我好怕撞返以前既同學,因為見到面都唔知應該點做好,應該打招呼,定係當對方無到直行直過呢,我係咪好無聊呢,連呢一d都驚,不過你唔係我唔會知架喇,喺以前間學校算係老友既都走晒,得返一d我唔鐘意既人喺度讀,由中四開始我已經覺得好辛苦,好想快d離開呢間學校,我既校園生活可以話無一日係開心.學校既老師往往都係輸打贏要,老師又無品,連功課都可以叫我地自己抄答案,咁既學校又點會值得我去愛,即使宜家撞見舊校老師,我都會直行直過,無任何思憶
