- 前ページ
- 次ページ
今年嘅香港，今年再無免費直播世界盃嘅香港，究竟係點樣嘅呢?呢個問題，喺無線同有線爭奪播放權嘅時候，我已經開始諗緊。大家都估到會係點，最後，香港變成一個毫無世界盃氣氛嘅城市。
我想探討一個問題 : 究竟電視台嘅鬥爭緊要一d吖，定係大眾齊歡樂重要一d呢?
到咗今日，本末倒置喇。記得聽講過FIFA世界盃係想令全世界每一個角落都能夠分享世界盃嘅任何喜悅、任何刺激。就連北韓都免費直播嘅時候，香港係點樣呢?香港就俾一個叫做有線嘅收費電視台，獨攬直播世界盃之權，即係話"有錢裝有線你咪有得睇囉?無錢?就無得睇架喇"究竟有線知唔知道FIFA世界盃嘅理念係點樣呢?其實世界盃嘅理念就係每四年嘅呢一個月，國家紛爭如何、交惡有幾深都好，喺呢個月內，地球村嘅各國家各位人民，都放下成見，一齊去主辦國嘅大球場，一齊為自己支持嘅球隊大喊支持，忘記一切不快，全球歡樂。但原來地球某個地方，文明、自由、經濟發達嘅大城市 - 香港，小市民就竟然無得睇世界盃，究竟呢一個月嘅快樂係咪真係傳到去世界各地呢?宜家呢個社會商業性太強，賺錢賺錢賺錢叫個唔停。究竟四年一度嘅世界盃,係作為歛財工具有價值一d吖,定係俾全部小市民有工餘歡樂好一d呢?有線,我希望你四年後,唔好再咁樣做喇，會折福架~
即使俾你贏到盡，我問你一句 - 又如何? 好啦，我認輸我認低威喇 但我想求你，我想求吓你，你放過我啦，我頂唔順喇 你要點先肯唔俾說話我聽，我只係想寧靜地過我嘅生活 點解，點解係都要挑戰我，點解要執著與我之間嘅勝負關係? 我只不過係個好普通好普通嘅人，我無任何攻擊性及威脅性 但點解你一定要同我鬥到底? 我實在唔明，我有邊方面得罪你，我唔明白我幾時係你心頭嘅頭 幾時係你嘅敵人 如果係咁，我寧願選擇同你無任何關係。
有時候，太多既說話擠壓左聆聽既空間，有時候，太多既動作會令你失去了安靜既能力，喺日間，你穿過了既人群，接收四方八面既聲音，來到夜晚，唔好再執著過去既遺憾，亦唔好預知未來既憂愁
我當然唔係音樂情人啦
不過我覺得呢一句說話的確係幾有意思
住喺城市嘅我地,又有幾何可以聽到蟋蟀叫聲?
有幾多城市人有時間聽一吓山溪水聲,睇吓大自然嘅景觀?
睇嚟,我地已經唔止失去聆聽嘅能力
我地仲失去咗感應自然嘅能力喇
我地手上嘅每一樣都係高科技,睇嚟好似愈來愈進步
但係我地最基本嘅卻一直咁消失
例如同人傾偈嘅能力
例如親身體會嘅能力
有冇發覺自己已經失去咗好多好多?
試吓放低晒你手上嘅高科技,親近一吓大自然,可能你會愛上呢一個 咁可愛嘅自然
你可能會更愛自己
愛自己係人