希望今年既重陽節唔好發生咁多山火啦,動植物都有生命,唔好因為一時既疏忽令佢地賠上性命喇,一陣同阿媽出去食牛什做晏晝,今日都係因為懶得滯,唔上山喇≧(´▽｀)≦上一次山一定好攰,加上望出去見到座山污雲密佈,唔知係咪有邪野喺山上面呢......
啱啱開MSN同網友傾左三個鐘都有喇,好投契,有時仲比起朋友更加開門見山,好舒服好開心,我發覺其實身邊都有好多人對我好好,可能係我自己唔覺唔覺先唔知姐,不過都好多謝佢地,無論屋企人又好,朋友又好,網友都好,都想同佢地講句多謝,同埋想同支持我既人講你今日貼中呢隻係大冷門,但最後我一定會跑出,v(^-^)v
今朝六點左右就醒左喇,俾外面既燈光整醒左,我屋企人要返工,因為我比佢地夜訓既關係,所以我係非常唔夠訓,見過燈光之後就訓唔著,慢慢到左今日上堂,上堂既時候好攰好攰,搞到無乜心機上堂,唉,宜家眼皮好似掛左鐵碼一樣,好攰,但一陣訓上床又訓唔著(- -)zzzzz
啱啱睇完今日播既齊藤太太諗返起,其實平時有好多唔公平既事,即使親眼目睹,都唔會申手助人,香港人都係一樣,香港人既冷漠其實係由一個又一個,一單又一單既騙子所造成架,並唔係香港人既本性,人人都怕幫左個騙子,反被騙財,於是人人都好冷漠,以冰厚既外表去保護自己,不過如果見到有需要幫助既人,就好似喺東方日報刊登其困苦境況,香港人一樣會捐錢俾佢地令佢地過度難關,多數都唔會開名,呢種心係幾咁聖潔呢,就好似喺電視見到齊藤太太主動出手去喝令嗰班高中生離開賣物會一樣雖然明知班高中生教極都唔會聽得入耳,不過都走出嚟同佢地說教,最後雖然幼稚園被破壞,但佢既行為的確係本著義,就好似三上太太咁道德理念歪曲反止齊藤太太先係呢件事既源頭,並要求佢離開,表面上睇三上太太的確好差,但係你同我同佢都係同一種人,平時見到不公平既事又有幾多個人會挺身而出呢,呢個世界又有幾多個齊藤太太呢,無人會希望惹禍上身,呢套劇好睇就好睇在平日見唔到既正義可以喺電視搵得返,可以同平日見到不公平而龜縮既自己得到一個中和既情況,呢套劇我追定喇(＝⌒▽⌒＝)
真係訓到天光,個人精神晒呀
總覺得今日會順順利利,始終一朝早既早晨係最重要,如果心入面係覺得今日一定有運行咁今日就會有運行(≡^∇^≡)所以無論點都好,都覺得自己會好運先(￣▽+￣*)食左個撈麵,味道真不錯,壽桃牌鮑魚撈果然一流,入附瑤柱絲XO醬,只要加少少落去成個味都唔同晒,超好味的說ヽ(゜▽、゜)ノ
總覺得今日會順順利利,始終一朝早既早晨係最重要,如果心入面係覺得今日一定有運行咁今日就會有運行(≡^∇^≡)所以無論點都好,都覺得自己會好運先(￣▽+￣*)食左個撈麵,味道真不錯,壽桃牌鮑魚撈果然一流,入附瑤柱絲XO醬,只要加少少落去成個味都唔同晒,超好味的說ヽ(゜▽、゜)ノ