尋晚玩玩下電腦既時候,發現有一隻圓形既昆蟲喺個屏幕上面行下行下,我初頭以為係臭屁蟲,於是用手指好細力咁禁落去,壓左半分鐘,之後拎佢去枱面,因為如果係臭屁蟲就一定要殺既關係,於是我噴左一d清毒酒精落去,開燈睇睇,oh....原來係益蟲瓢蟲呀,我從來都未見過咁大隻既瓢蟲,d斑紋仲要生得好靚呀,於是我即時用水沖走佢身上面既酒精,之後過左無耐,佢又生猛返喇,我仲放左喺我隻手上面等佢慢慢爬,我感覺到喺我隻手上面有生命,初時有一份佔有慾既我想喺個盒養起佢,不過唔過一秒,我就諗,大自然既環境對佢嚟講先係最好,於是,玩左一陣,佢都開始精神返d,然後拎佢去窗口放走佢,佢一飛,點知又飛左去我個身度,我再捉起佢,同佢講"小甲蟲,快d返去屬於你既地方啦,唔好再誤闖民居喇,會有殺身之禍架!"之後放左佢出窗外,佢就飛走左喇,到左第二朝早喇,唔知佢宜家又去左邊呢,我覺得佢應該仲喺屯門區喇,可能呢一次係佢一生中最恐怖既經歷,不過我就係第一次接觸咁大隻既瓢蟲,唔好以為我好善心,其實我只會見益蟲先會放生...曱甴既話....咪走呀,我要拍到你開花呀(・∀・)
