哎呀,三點左右就俾隻貓仔嘈醒左呀,次次去完廁佢都抺手,仲要抺得好大聲,嘈到拆天,點知一幫佢善後完之後,我就訓唔返喇,貓仔你好野呀(｀(エ)´)ﾉ_彡,好彩頭先留意住佢,如果唔係我部Exia模型把長劍就俾隻貓仔拎左去第度架喇,之前G gundam把劍都係隻衰貓仔整唔見,宜家仲未搵返,點解我隻貓仔咁壞蛋架,又話女仔無咁百厭既,宜家我覺得隻貓仲百厭過人地屋企嗰d貓男...唉ヽ( )｀ε´( )ノ
點解會心血來潮,由呆子轉左做閒人呢?因為閒人呢個名詞有一種恭敬之意,就好似話我係一個閒人,講既野就等同於閒話,而閒話就即係唔洗咁在乎,閒人講閒話,唔洗太在意,意念係喺無線幾年前既一套劇,叫做"御用閒人",當中閒人就係喺皇帝身邊幫皇帝分憂解難既一個官,可以話係皇上身邊既大紅人,同宦官有別,閒人呢個名好明顯係對皇上有敬,即係若然閒人講左句說話得罪左皇上,皇上都唔洗太介懷,因為只不過係一個閒人,閒散之人,而我呢個閒人有咁既意思之餘,亦有悠閒之人之意,所以得閒既話歡迎嚟睇下我呢個閒人會做咩閒事同講咩閒話,可能你同我會有共鳴都唔定(^O^)/
又貼貼小瓢蟲先
又貼貼小瓢蟲先
尋日飛入嚟既小瓢蟲實在太可愛喇,所以我都影左幾張相,佢喺我手心爬爬下,我又睇住佢,反下手佢又去左手背,一陣佢又去左手心,呢個時候佢又唔飛走,陪左我一個鐘,哈,可能有人會覺得我好無聊,又或者覺得我太寂寞,不過我覺得呢樣都唔係,我覺得係因為生活喺石屎森美既我實在太少時間太少機會接觸呢個大自然,所以當有機會觸摸到大自然純真既一面之時,就覺得好開心,如果呢隻小小既瓢蟲去到別家,可以已經被人殺左,我同佢相遇都算是一種緣份吧,我相信佢都唔會希望被人了結生命,我都唔想了結一隻對人類有益既昆蟲既生命,或者有一日,你喺草叢入面見到一隻小小既瓢蟲,話唔定就係喺我手上既呢一隻都唔出奇,要好好愛惜生命,愛大家既大自然啊(°∀°)b
