甚麼才是最重要

我阿媽成話我好懶,有時我都覺得自己幾懶惰
有時見到有d事要即刻做,已經迫在眉睫,但仲將"遲d先做啦"掛喺嘴邊,一係好馬虎咁做一件事,一係虎頭蛇尾,點講呢,可能我自己對自根本就無信心,講野成日都用唔肯定既語氣去講,"係掛""可能啦""唔知喎",因為我實在太無知同埋我好驚講左句說話出嚟,原來係錯既,就算百分之百係真理,我都唔會用好肯定既語氣去講,好多時都話"係掛",已經改變唔到,因為我錯太多,錯到連自己都唔相信自己講既野諗既野學既野做既野係唔係正確,我怕因為我既大意,因為我既錯令別人受無謂既困擾,人地話男子漢大丈夫講野就大聲d肯定d,唔好支吾以對,我都好希望我有一日能夠做到堅信自己,不屈,能夠獨當一面既人
我覺得自己實在太多無謂既情感,好多時都由情感去控制我做事既流暢度,其實咁樣真係好無用,我都怕有一日我會開始睇唔起自己,不過日子都要過,唔可以軟弱一世,總有一日我都要擔起家人,父母都背負左我十幾年,我將來都要背負佢地走埋佢地最後一段路,唔知點解呢,我每次諗到呢度我個心就好唔舒服,諗起媽媽總會有一日離我而去,第日去到墓前我講任何說話都無人糾正我,我想搵個人鬧下我都無,對住塊石,千言萬語都抑壓於心,點解我要係一個咁多愁善感既人,我諗起將來父母走左既話,就再無人提點我,再無人同我勞氣,我再無晒信任既人,呢個世界最啺我既人就係我媽媽,如果佢有d乜事我都唔知點算,我唔希望佢有一日會離開我,我怕我好後悔,好後悔無珍惜同佢既每一分每一秒相處既時光,我驀然回首,我發覺,我十八年嚟既求學比起與父母相處,究竟邊樣重要呀?學識能唔能夠換返我同屋企人相處既時光?讀左十幾年書,時間就一日又一日咁過,父母一日比一日老,多病,我仲可以同佢地相處幾耐?讀書真係咁重要?重要得過陪雙親,有時有d野一過左就無,用十幾年時間換知識,換一d永遠都追求唔晒,無窮無盡既野,得到既又係乜野?可能係一d名利,但係父母喺呢個時侯都已經分享唔到你成功既喜悅喇,喺你無任何成功之前佢地不斷喺出面捱苦養育你,而最後佢地未得到你既恩惠就離開左你,嗰種欠而未能還既滋味係幾咁難受,讀書真係咁重要?關埋房門埋頭苦讀,連阿媽走入嚟拎碗湯俾你都覺得煩,呢種"煩"可唔可以煩成世,如果可以咁樣煩一世我都願意,生命係有限,每日都燃燒,每日都減少,讀書返工賺錢重要定係父母重要,我二話不說,諗都唔諗,如果我可以放棄一生名利仕途,而換取父母長壽,我必定願意

突破100

今日終於突破左一百個網誌喇,多謝一直以來支持我既人,不過應該無乜人睇得明我寫乜架喇,因為呢個始終係日本人既網誌,不過無所謂啦,我目的都係為左記但每日自己認為好深刻既事同埋自己霎時之間既諗法姐,因為將來每日都係記低開心既事,正能量滿瀉啦(・∀・)

又瓢蟲!!!!(。O。)''''

今日廚秀又有一隻瓢蟲入屋喇,上次嗰隻係黑色紅點,今次係黃色黑點,真係好靚呀,最後都係放左喺窗台等佢自己飛走(・∀・)

放左喺石牆上面(・∀・)

慢慢爬.....

打開翼喇,返去屬於你既地方啦,byebye!(^-^)/('-^*)/ﾍ(ﾟ∀ﾟ*)ﾉ(^O^)/

大換位

今日終於將d模型大換位喇,騰空左個位就俾阿媽放野,我慢慢將d模型同公仔放左喺電腦枱上面,咦,放晒d野喺嗰度真係令到嗰個位無咁寡喎,加上又唔洗開來開去個櫃先有得睇自己既模型,又可以俾個位阿媽用嚟放佢既野,真係一舉兩得呀,不過宜家就要諗將來部printer應該放喺邊喇,因為之前張電腦爆左頂,成部printer跌落嚟咁滯,好彩托得住,所以宜家部printer都無位放,遲d可能會將部電腦放入房,不過我書枱d書又唔知放邊好架喇,電腦枱上面既模型又唔知應該放喺邊,都唔知點咁,不過有我喺度,一定會幫佢地搵到一個容身之所既(°∀°)b

頸痛

哇,成晚都發埋晒d恐怖既夢,夢見自己手上面渣住一支香,返到屋企門口見到門口地主個香爐上面插左好多好多香,喺我一走埋去既時候全部香同時熄滅,我手上嗰支就燒極都極唔完,當我見到香爐既香熄晒既時候,周圍既燈都即時熄左一至兩秒,之後我入到屋,d燈又著返,見到門口斜對面有個黑影,我關埋門,再開返門,都見到有個好不尋常既黑影,咁我唔理佢,入到屋,總覺得有人望住我,眼角見到有個人倒吊住咁望住我,但我一望埋去就唔見左佢,之後又另返正個頭,又喺眼角見到隻野倒吊望住我,我一望埋去又係唔見,之後慢慢就醒左....
一起身,哇,頸有少少痛,慘喇,梗係我尋日貪食食多左麻辣小魚乾,好彩個頭仲郁得,如果唔係,俾阿媽留意到就慘喇,睇嚟聽朝都要落街買藥煲嚟飲喇。(´д｀lll)