星期六日放假了，洗左兩萬幾yen去為間屋增添家具、食物。。始終都係自己既家黎既，洗小小錢令自己生活得好D呢種感覺真係好好。
一個人去買野，買生活用品，其實樣樣都想買，但一諗到間屋得一個人住買黎都無意思，仲要係一個人買。。。
不過，現在對我來說，的確係一個挑戰來的，一個人生活不容易，加上一個人在外國生活就更加不容易，在外國工作更加是呢，所以如果我可以跨過這個難關的話，將來我回望既時候會是多麼的精彩呢﹗
27號星期日，蘇生蘇太到達札幌了，好似話咁易就見到佢地咁，哈哈。
好親切的感覺，他鄉遇故知的感覺真係好好，仲要係契爺契媽黎， 開到口互相認左了，嘻嘻。。
見到佢地就分享番近幾日的工作，在異地有人比我坦誠咁分享真係令我舒服好多好多。
不過我會加油既，會好好做好呢份工，比自己見識多D野既﹗
一心諗住帶佢地去食成吉思汗既，同佢地去一間地道老舖，松尾。
我地由Keio Plaza 行去薄野，途經大通公園，見到有小小櫻花開左了，應該5月10日左右會滿開，到果陣時時間剛剛好呢。
去到食店，最可惜的是他們食得唔多，費事食放題，所以我地叫單品，遂樣叫，再加上佢地又唔飲得啤酒，完完全全失去了成吉思汗大吃大喝的精髓，看來這樣食品不適合他們兩老。哈哈，係我有一點可惜呢。不過佢地都話好食丫，其實真係好好食，這是我在北海道最喜歡既食物來的﹗﹗﹗
食完之後，蘇生話好攰，唔搞咁夜了，明天佢地又要啟程去玩，仲要揸車添，咁所以就早一點番酒店休息，送佢地番左去酒店之後，我都番屋企了。下星期佢地玩完會番黎札幌住多一晚先會番香港，我地仲有一晚可以見面。
番到屋企，隔離屋企姨姨敲我門，專登拎D野食比我，有壽司，果點，佢叫酒谷，想過黎同我打個招呼，以後大家就係隔離鄰舍，她叫我有咩事就即管出聲，互相照應。實在太感謝了，日本人呢，真係幾有人情味呢，這就是我喜歡，值得欣賞的地方呢，撇除工作方面。
