22日，好緊張的第一天，亦都係好悶的第一天呢。
大公司其實真係好唔適合我，我是一個freestyle 的人，但同時亦懂自律，唔需要人管我也會做到。但是大公司呢，乜都規住晒，加上是日本公司，十分不自由的感覺。
這是初步感覺吧，人就無乜野，但是好難傾計，日文爛之餘，又撘唔到嗲，加上佢地各自做自己野，工作上，真的好冷。十分不喜歡這種工作氣氛﹗
日本既靚女真的很多，佔女性50%都係靚的。。。。哈哈
第一天放工去了送別聖豪，他也是我到步後又要離開我既好朋友之一，他要去東京工作，他為了自己的家庭努力中，他的離開是因為他找到了另一半，而且突然間跟我說已經結婚了。因為他的老婆會留在札幌，他為了給她信心就決定要結婚。日後他如果在東京生活得好的，就跟老婆在東京生活，或者番札幌，更或者番台灣。希望佢地將來可以幸福啦﹗
見到聖豪之後，今日一見，唔知幾時可以再聚，我地去找回憶，去了食蠔，好抵食，跟住約埋久保姐一齊去食成吉思汗，我地三個可說是緣份吧，互相支持，雖然聽得唔係好明，但感覺到的吧，大家都感恩可以有這種緣份，期待他朝一日可以再重聚的日子﹗
接著我們還去埋Karaoke，也是我們的回憶，好開心﹗
加油呢聖豪﹗
連續幾天的上班，主要既工作原來係Tour Operator.....不過就係一腳踢既，成個團由plan 行程，報價，預約，入powerconnect，出飛，收錢，跑數，全部一個人負責，而且我要handle 中國台灣香港的market。這些工作似曾相識吧，所以基本野都好易上到手既，不過轉晒做日文姐。成日只是對住部電腦，幾悶吧。
諗真，我不喜歡這種工作，其實我係想出街識多D人，開始因為咁了解到多D自己想做D咩了。
24日放工，初次同社長對話，仲要在社長室一齊食野飲酒，好榮幸吧，聽說還是欽點的新入社員才會有這機會。點解會有這一次聚會呢，原來5月21日NHK電視台會訪問社長既經營理念果D野啦，佢諗住帶幾個手下一齊做這次訪問，我竟然是其中一個，總共有六個，同team 既中國人陳先生也一齊，咁都無咁驚。。。今次社長想跟我地見一見面先。
我聽到呆了，點解會揀我。。。正因我是香港人吧
他們應該都幾重視國際性這一點，所以某程度上他們係幾想請到我地這些外國人來工作，可惜丫，我可以說，我的心已經不在這裡了。
北海道，什至乎日本，真係好適合去玩去放鬆，但要講到工作、生活，就十分不適合我了，始終香港是我家﹗
不過，社長既性格都幾親切，入到去社長室一點拘謹既感覺都無，社長仲即刻知道我就是由香港黎的人，仲好理解我的背景添，個感覺好神奇，社長竟然知道我咁多野既。。。。
可能果陣我仲未太清楚個細節係咩啦，仲同社長大吃大喝咁，有果句講果句，幾鐘意這種風格的Boss，人與人之間既相處最緊要溝通同坦白吖嘛!!!
飲左好多。。。又啤酒又sake...社長支sake 勁咯，一大缶的，幾廿年歴史，拎出黎比我地飲，我最唔客氣。。。飲多左。。。支酒堅勁。。。43%。。。飲到真係幾暈，頂住上終於完結今次見面了。。。
跟住即刻番屋企大訓覺。。。。。
剛才說到，幸好同team 中有一位中國人，陳兆鵬，好好人，在這裡工作五年了，是大師兄呢，他令我明白多一些工作既細節，而且仲安撫了我一些不安的心情，可能大家都是外國人吧，有很多同感。沒有他的翻譯，我諗我死左都唔知咩事，哈哈。
他說，日本人做野最終目的是為了自己，為自已的生活，佢地係好努力，拼命地做，因為本身人工不算太高吧，單靠人工他們也生活艱難，他們要為的就是每年兩次的Bonus，佢地睇既就係呢個制度，如果達到target，就可以得到好豐厚的Bonus，所以才會令到日本公司有這種工作氣氛。。。
但是我也不怕跟他說了，我的工作態度並不是這樣，我是希望可以大家真真正正一齊努力，開開心心咁工作，並不是自己做自己咁就做一日，成個team 死氣沈沈咁番工黎做乜？
他也很明白，亦都好開心可以跟我做同事，希望我跟他之後可以開開心心咁工作吧。
不過無論點都好，我都會努力做好這一年，唔會比佢地失望的，至少我也要做到佢地比我既target吧﹗壓力開始下來了。
將來這一年有好多野要向他指教了。