屌那星，幾多年未試過真係睇到唔止眼濕濕，直頭丟埋滴眼淚出黎。
史艾瑪幾場主戲串連，男朋友多次睇佢既演員夢唔起，一味怪佢發老脾；南瓜特登比下馬威佢，雖然最後叫做唔再怪佢，亦半承認自己有唔岩既地方，始終唔願意原諒佢。惟有胖姐，胖姐唔單止一開始就睇到佢，到呢一刻都相信佢係善良。
有時候做人太過善良，而不被人了解，做少少踩線既野就無人再比機會，結果就係迫人做個徹底既壞人。
其實做壞人又有咩唔好？
一個以心待人既經理人，一個孤獨付出既小女孩，由上車就知會別離，由著衫就知會送衫，仍然不忍就咁樣各行各路。
老實講，就算做唔成戰友，都不一定要變成陌生人；但係不再並肩，特別係呢一行，就算想交心又憑乜野走到以後？
咁唔通又真係唔得咩？
好難過。
莫講話芬姐TB解開母女心結大大失色，其他旁枝末葉都變得唔好睇。連接場既周凡流氓搞鬼同《俗女》彩蛋都大打折扣。
好在周凡流氓既HIGH爆《音浪》放係開頭，仲有啲記憶。
P.S.
忍唔住再翻睇一次，結果流左兩滴淚，仲衰。
到底血糖低咬三文治個段係本身劇本有定點？至少個種唔刻意既演繹令人心痛。
講電話個段又係，頭幾句廢話完全係提昇左成段開估對白既層次，難怪咁多人讚最佳演技。
玻璃門倒影兩個世界既拍法歷久不衰。
重覆台詞：「當你係個咖先有資格流眼淚」又係常見又好有用既手法。
史艾瑪既戲比下去好正常，大大加分係胖姐真係要走，推佢入場個個轉身，FEEL到佢對於成件事都好不甘既情緒。
都無法媲美胖姐最後不甘又帶有祝福既表情。
屌。