史艾瑪既機會依然係自己爭取返黎。
比南瓜拎返個女主角做之後佢都用心陪對方練台詞，一齊上acting class，其實佢係唔忿氣，都不致於一開始就想搶啲乜野，而即使佢去搶，都係演員應份個喎。
大不了係無左朋友既道義。但係，好聲好氣咁講，或者情理兼容？
當然人既性格決定一切。南瓜唔係咁任性，咁玻璃心，或者一切都唔會搞到咁差。
呢方面反而佢既心理描寫太少。係有唔同既對白講佢背景，但係佢去讀電影﹑做演員，又有無乜野自我感受去支撐？
睇唔到。所以佢既崩潰係莫明既。
直至個刻史艾瑪先「認清現實」。再去TB屋企爭取角色。
而佢都只不過係表明自己有能力者。KISS TB個下都只係表達演員既可塑性。當然，如果以後所有事情都以「導演想我係乜，我就係乜」為借口，就會走偏。
At least到呢刻為止佢都無丁點既不著。
呢幾組情節最鐘意係南瓜CUT機後痛哭地上，周圍工作人員各有各忙，畫面將史艾瑪放遠旋轉既鏡頭。
加上微風，就好似人在江湖漂泊既無奈。
更慘既係南瓜as一個有血有肉既活人，自己既心痛完全被演員﹑角色身份所淹沒。真實既情感，做戲既環境，無人痛惜。
今集較差係剪接同場口編排方面。
陪上戲劇班同係南瓜屋企個啲場口太碎，太具目的性，睇得唔順。
妮妮同三石硬攝幾場唔知係真係假既出街睇戲又語焉不詳。
流氓出現周凡幻覺又太懶搞笑，同南瓜﹑史艾瑪友誼主線格格不入。
阿芬開門比史艾瑪又接去乜鬼芳姐開酒店門直頭嚇死。
そもそも芳姐老處女遇當年渣男男星既段落就係九唔搭八。。。。。。
睇黎編劇功力仲有好大進步空間。