整整一集時間講薛亞之同周小凡既故事，中間加插既導演幽默，坦白講，唔識欣賞。
只係對曾經真摰深厚既情誼化為烏有，如常心痛。
係各方面薛亞之都有史艾瑪既既視感。
想努力做好演員，心理上活係他人陰影之下(周小凡既才能同南瓜既父蔭)，選擇自己既道路(嫁作人妻同爭取主角)，諸如此類。
又或者唔可以咁比較，但係若然要講，寧願做史艾瑪去年輕拼搏，定薛亞之毅然放手？
睇返當時既薛，早兩集胖姐同薛既自問，的確，薛已經唔再有個份可愛同真誠。
放係任何一個人身上都係悲哀。
再作類比。
薛心入面暗暗覺得周小凡得到更多，到呢集為止都不太有篇幅講李子齊既狀態同心理，但係透過周小凡既角度睇李子齊就係暗暗覺得自己高攀不起薛亞之，咁，其實佢地係咪一樣既人？
回歸最根本，薛亞之同周小凡之所以決裂，只係因為講左心入面個句。但人係有好多面向，黑暗一面釋放完之後係咪唔可以和好？可唔可以一齊再次面對？
願所有有情人終可跨過。