痴撚線。唔單止超英片，就算普通片再壓抑再黑暗都未試過去到咁撚野蠻既地步。雖然白龍出場得幾場戲，而且都係露一露面就算，但係今次一黎就玩舖大既，可能係所有人所有事反差實在太大，先做到咁既效果，為一個明明無乜戲份又無乜存在感既偽角色爆舖勁。
「我愛佢。我知道我愛佢。但係你都知你細佬有幾多問題。我相信呢個小朋友唔係有心殺佢。」
「Dont call me Nazi. I didnt create the problems in my world, missy. I applaud you if your world is perfect and you fight every injustice you ever see. Is that what you do? Unfortunately I havent got the strength for that. I fight the madman murderers and monsters in front of me because thats all I can control.」
話音未落就比義警狂捅。。。
除左震驚係無任何情緒。無悲傷，無憤怒，你甚至唔會覺得無奈，就係，呆撚左。
第一個反差在於同第一個世界白龍既反差太大。唔同世界有啲野好左有啲野壞左，而見住係最壞既時代，以致最壞既平行世界當中最壞既人變得如此和善，佢仲有心有能力去守護一啲野時候，佢慘死。就好似，慘死先係好人唯一既下場，佢應份。
第二個反差係Peacemaker既心理。以為去左一個更好既世界，點知反轉係個Nazi世界。以為全家都係幫兇，又反轉個老豆係個講道理既大善人。但係，佢又因為自己而死。真係掂親既野都破壞晒。難得既親情，仲要係真心有愛既感情，又死係自己手上。到底仲有乜野可以救返Peacemaker。實際上我覺得任何野都拯救唔到佢內心既絕望同黑暗。
一個好人講經既時候被人爆死，明明係一種好漫畫化既喜劇橋段，而呢套劇由S1開始明明就係要做喜劇，OK，哪怕佢係悲喜劇，佢而家都唔悲喎。點解會咁。點解要去到咁盡。
個種絕望有少少似《Breaking Bad》Jesse既經歷。直到而家我都無睇最後一季。太慘。唔想面對。好在白龍係呢到都未去到咁重戲份。睇埋Peacemaker既後續都還好。
初頭見由第一集四十幾分鐘都第七集得返三十二分鐘仲心諗咩事，真係越短越見真章。