一齣名不符實既欺詐電影。
「十餘年前的西北小鎮，剛出獄的二郎重歸故土，面對偏見、面對防備，他不知該如何開啟新生活。」
十餘年前係真既，西北小鎮係真既，處處灰濛既長鏡遠景都想塑造出偏僻荒廢既環境，空無一人既樓房﹑桌球室等等都講出離鄉上流既社會實況。
但係偏見﹑防備？WTF。
由一開始主角就係一個名人。坐左十年監甚至變成一個「大」名人。假釋回家之後個個都識佢﹑關照佢。無野做警官介紹佢入捉狗隊。唔鐘意打狗調佢去做運輸兵。老有一個兒時同伴跟出跟入，病左都照顧佢三餐安穩。老鄰人幫佢睇屋之餘做埋保安。所謂仇人一再搞鳩佢但係又放過佢，點著笨豬跳條繩又無事，綁佢返去嗑頭又無虐待佢。就連出到黑巿狗場搵狗都比人認得佢，唔使比錢一個簽名合照就可以帶走隻狗。
呢啲偏見真係好撚嚴重。
而防備，條友一日到黑對住人十問九唔應，唔瞅唔睬之餘有脾氣就打柒人，個個出手幫佢無句多謝，作為旁人都真係唔識點適應佢。就算戲入面講佢過失殺人情有可願﹑純為意外，都不禁假想實際另有內情，係佢自作孽。
撇除種種背景，全劇兩個鐘剩低就係講主角點樣愛狗。當然，兩舊野困埋一齊日對夜對生出情愫係可以理解。不論係一男一女，兩個男﹑兩個女，還是依家一人一狗。總之就係搭上左。之但係講到呀主角咁有人性，通地又咁多流浪狗，偏偏主角仲繼承左一大個空置既動物園係手，不如大愛啲做好收容中心，而唔係無病呻吟「再上路」好過啦。
2025年，仲要搞呢種老中國明明萬千寵愛偏要終日扮演受害既套路，真係頂唔緊。