車禍原因在於八婆個仆街仔呢點好得，充份表現到河恩杰造成既影響，而唔係隨隨便便一個「命定」就完結，好似《DARK》套垃圾咁。
「你喜歡我身心健全，可我現在聽不到了，怎麼辦？我可要更加努力，令自己心靈美麗。」呢一段對白寫得實在太好，李燦真係超級善良。
默默地將電視不斷較大聲一段又係好好戲，悲傷既配樂一直放，李燦只用表情動作去表達崩潰，再加少少聾人無聲既嘶叫，層次拉滿。
成集落黎其實娛樂十足，對於大路觀眾如此HAPPY END而樣樣野都好美滿，應該會好鐘意，只係無法有高評價亦在於太過老奉，多到魚刺咁噎到周身都係。
套野既主旨既然係「不論順逆，都要好好活出自己既人生」，咁最後何必要變成富豪，聾啞老豆上埋台表演結他，又接受晒個仔既一切呢？寧願佢係stick返一個平凡家庭，依然會互相傷害，但係最終理解同和好，咁仲有心思。
另外清雅被老豆隱瞞李燦出事﹑帶去海外留學一段又無下文，其實好畫蛇添足。多左一段就比人有下文既感覺，但係佢又無交待之後既事，一去返28年後又係結埋婚生埋仔，就算係要腦補HAPPY END都太過過份，至少我真係以為恩宥條線特登玩野，係同清雅有交接留返條尾囉。
OK，就算要皆大歡喜，全劇最大問題﹑最難接受，就係李燦作為後天失聰，點解，點解，點解，會變左聾啞人士？屌你老母聾係聾啞係啞，成撚日撈埋一齊講又唔交待，重要係支撐全劇既基點，根本就係起撚左棟危樓出黎搏人唔屌柒你就當過關，齋睇呢點套劇可以比零分。
唉。不吐不快。瑜不掩瑕。