體會唔到一鏡到底既好處，反而毫無剪接令節奏奇慢，畫面又唔好睇。實時一個鐘時間只呈現完整警察遞補疑犯流程，算係一種浪費。
畫面唔好睇在於長期ZOOM近角色單一鏡頭，而無場外更多資訊，令好多客觀事件或者人物描寫流於表面。比如眾人點睇未成年疑犯既表現？疑犯家人同一時間又會唔會有機會被警方問話，了解案情？當主角進行活動時其他人點從中提取資訊？即使旁人有戲有在場都因為鏡頭遷就而長期失踪，感覺好差。
另外移動方式往往依從人物走動，好悶。由屋企去警局一段既穿插又無章法，飄黎飄去。車廂入面又禁錮鏡頭係三個人中間，無表演可言。起碼呢一段如果要講真實性，好似新聞直播既鏡頭剪接應該都做到，亦做得更好。