「everyone is upset」，are you fucking crazy？Jade講得無錯，班學生知道同學捅死左同班同學，仲咁開心係度玩係度搗亂，竟然唔覺得有任何問題，仲話大家都好唔開心，這是正當聘請的警隊精英嗎？
更莫講話阿sir你個仔讀同一班呢？你會唔會關心下佢﹑了解下間學校﹑查問下涉事人背景？當然，作為公務繁重既警探同個仔少溝通係可以理解，2集開場都好刻意講阿仔拒絕返學﹑老豆冷待阿仔，但係用警察查案身份去睇劇情就好唔Make sense，而第2集其實已經係Day 3，呢度只會一再重覆強行一鏡到底既壞處，根本無足夠篇幅去講鏡頭以外既事，而呢啲事唔應該被排除於「實時發生」之外，佢地正正處於「當下之為現實」既情理之中。
再深化警探呢個角色，係知道bully既細節之後覺得間學校真係好臭﹑老師水平好低﹑上堂只靠播片﹑啲學生唔知係度可以有咩長進。well，一大段篇幅都係講人點點點差，但係無展示到其實自己個仔係度讀書，仲讀左好耐，作為家長點可以一直唔知情。到呢一刻知情，又無後悔﹑遺憾﹑憤怒既情緒或者諗法，要去為個仔獲得更好既教育而努力。到底呢種大人/家長係咪真係常態？唯有講蠢人真係唔好生仔。又可能，就算觀眾睇完，其實都係一舊飯咁，無任何改變。
去到結尾，對於兩組shot既期待係可以增加。
1. 當老豆同個仔開車離開畫面之後鏡頭定住無跟住走，隔左陣Jade先係側邊撞入，有幾秒時間要係流動學生群中搵重點。
2. 完場前以配樂伴住航拍從學校移動到停車場，最先係高空見到案發現場，有悼念既人同花﹑有Jamie老豆架車。
多呢啲變化，都可以stick係一鏡到底同時令鏡頭無咁枯燥。