其實呢套野都拍得幾差。
第三集，七個月後，係類似精神病院既地方同Jamie進行面談。
面談原因係Jamie同人有衝突，無衝突其實唔會安排呢一次特定既面談。
然後，五十分鐘落黎，一啲都無交待過點解，甚至只提過一句「你同人打交」就了事。
屌你老母。
跳出黎睇只能夠解釋劇集係想以呢個方法重現一次Jamie係其他「正常」心理面談既表現，再從而了解Jamie到底係一個點既人。問題係，呢一刻既Jamie到底係點？比左咁大既前因之後又唔講咩事，觀眾點跟？
再退一萬步，從呢一集睇到Jamie好有攻擊性﹑好跳﹑好自卑﹑擅於講大話﹑但係又擅於立即解釋自己講緊大話﹑有啲聰明知道人地動機﹑愛錫屋企人，之如此類。而一個心理學家用三次面談寫完report算快﹑算盡責，觀眾單以一集五十分鐘既表演點中立地評價Jamie呢個人同佢既經歷？萬一佢講老豆老母既事都係假既？佢家姐可能同佢都唔親，係屋企Bully佢？同第一集形象有雲泥之別，但係又將責任放係觀眾身上，係最難睇既處理手法。
不過明顯地咁做好適合當今社會，人人都爭住做判官，乜都要加把嘴，stereotype又多如繁星，無怪套劇口碑咁好，滿足晒呢啲人。
再講呢集唯二出現既核心人物，心理專家，完全係個bitch。一副高高在上既位置東拉西扯，想要引導Jamie講野，勁乞人憎既面目，一啲都唔真誠，難怪Jamie三番四次發脾氣。同上一集一樣，用一個人物套落社會上「普遍既人都係咁差勁」既處理。甚至無辦法理解佢答唔到Jamie「你鐘唔鐘意我？作為一個人，點解你咁唔鐘意我？」之後失控既眼淚有咩意思。主觀地當然係覺得佢只係嚇到傻，比個13歲既青年篤爆而醜到喊啦。
再回應上集女警話「人人都重視主體，男仔殺左女仔，個個都聚焦男仔，無人理女仔死左有幾慘」。
Bullshit啦。乜有人關心過Jamie咩？大家都為個死者悲傷，扲Jamie做教材叫人做家長唔好乜做孩子唔好物。有人關心過Jamie咩？