不明所以。
最後一個鐘，回歸Jamie屋企人，經過13個月洗禮，加害人家庭所受既，苦。
所以係睇緊《我們與惡的距離》？要觀眾體諒加害人家人其實唔應該負上責任？
還是睇緊《儘管如此也要活下去》，要跟住加害人家人一同釋懷？好似兩老係最後不停質疑自己，又肯定自己，承擔起加害人家人身份努力去生活？
一再講述「我地可以做得更好」，但係由頭到尾都無講明到底發生咩事。的確好多時發生事件唔一定有原因，Jamie可能一時興起殺人，亦可能有隱性精神分裂而殺人。咁，你地無論做得有幾好都無用喎。
既然唔知你地做過啲乜，點評定好壞，點感受共情？
所以去到最尾一SHOT老豆喊得好淒厲，我其實搲晒頭，到底我要為呢套劇呢個角色投放乜野情感。我仲以為係開門一刻就完場，至少我會咁選擇，去留個大白呼應成套劇其實都進入唔到Jamie內心，好過而家咁狗尾續貂。
「How do we make her?」「The same way we made him.」
如果呢句對答先係套戲主旨，更加難明坊間點解覺得做人家長要睇呢套劇。你做好自己﹑做好父母責任，一樣可以教出一個Jamie一個Lisa。到頭來世間上所有野都係命定。which我係衷心相信，但唔覺外間啲人會咁睇。so，why？
如果要比較，講真，《儘管如此也要活下去》同樣有個殺左人既細妹一直痛苦地生活，殺人犯同樣地係無緣由就殺左人，比呢套唔知做乜既劇集好睇千萬倍。
總結，所謂一鏡到底放係呢4集完全係反效果。破壞左好多情節邏輯。鏡頭又不見得運用得好。第1集消滅好多外人既視點。第2集放棄對主角動機既探討。第3集得2丁友要夾硬運鏡係無新意，第4集車上一直影背脊更加係浪費被潑顏料既貨車畫面。
要炫技，不如嘗試4集用唔同拍攝技巧，比如第2集改為紀錄片形式，第3集改為舞台劇手法，會唔會更適合？