From MY。
開場即有《about time》感覺。同為老豆家族係十八廿二時發現time travel能力，但走向完全唔同。
全片滲出淡淡哀傷，配樂應記一功。
哪怕開心時刻畫面有柔光，都係種冬天寂靜既平和感；靚係好靚，都有意境，但係某啲時候又太過刻意好似有啲事發生，最後又無，就好失焦。
同樣古怪係故事以主角死左個仔，接受警制心理輔導黎講故事既設定，太不著邊際。
Akid越往後走越心痛既處理好好。開始接受事實之後返回過去既淡然哀愁都好睇。
同樣美妙係老母同Sarah發現Akid變老回來既反應。「Are you ok？」「In the future are we happy？」一言不發問「淨係飲湯就夠？」都充斥住愛同理解。
結尾係超乎想象，又情理當中。
以為返去個仔出事就停，又以為要犧牲自己救老婆同仔，再以為唔結婚放手Sarah，又再以為互不相識就夠。
去到尾，變成一個禿頭老翁，同老豆講多謝，自己有過一個家，有過幸福，足矣。
或者每個人都只要有一次活過既機會就好。用完之後可以返轉頭比其他人又活一次，大家都幸福，未嘗唔係好事。
真正既幸福moment，Eternal sunshine。
然而最好笑最難頂係Sarah同Anash既死比《死神來了》更加痴線。