收得好靚。
Rain既真身係固定套路，不過睇返當時伏線都係有趣。
用第十一集既小懸念帶去開估一刻，都係好好既編排；唔會拖拉之餘又有小小猜謎心思。
「Sunny」同「Rain」既名字由來又係一點點睛作用，既有前集回憶點，又顯現兩人視點唔同得黎同樣珍視既心意。
轉角用電話談心一下又係同之前舖排緊密連繫，份劇本真係不得了。
只係調返轉睇，交友MSG都係唔好用黎閒談好。不著邊際咁抒發搭話仲有更好既想像。
當友友沾沾自喜講自己好清楚老婆喜好既時候真係好嬲又好笑。不過總結而言我同呢種人都係傾唔到計。或者可以當玩具玩？
尾段算係太老套，不斷用口講婚姻要點點點。仍然好笑係老爺既植物形象。奶奶既愛都係入得好靚。放手比個仔同新抱搬都係不著痕跡，要讚。
希望《童話故事》仍然會有續集﹑後日談。真係好可愛。
同時都好想睇劉以豪。做得好好。好想知其他性情角色又會點演繹。