「與其成為遺照，不如成為通緝海報。要主動出擊。」
攝一段東滿發message之後同好友電話，再去情緒中心過場，中間有講一講藍色未知情緒同帶一帶大哥上吊既伏線，先去食飯傾計。成個舖排勁豐富，又展現到好多人同關係。係餐廳既交談又係氣氛好好，好有觸動既戲。情緒方塊。點解呢種劇本成日都有啲咁有趣既人，但係現實中又遇唔到呢。
中間天氣師既背景轉換貼題得黎又有趣，間唔時有啲獵殺垃圾既槍戰或者鬼影去表現角色說話都增添氣氛，都未計之前用劇本講一個人內心世界既基本，電影業﹑編劇，呢啲元素簡直用滿，用得好好。
訓低叫外賣既兩場戲直頭超神，完全係想買劇本既一段。先係好日常咁呈現東滿同大哥既生活，睇黎無乜特別，又好正常以為東滿鬧情緒，咭起身突然用左卡通聲效，都未開估咩事，之後恩雅先打電話黎，將所有野係東滿角度詮釋一次，變成鬼壓床既「笑話」，唔止解釋前面一場，仲延伸去後面「唔係所有事都值得過唔去，鬼壓床就唔值得。只要你唔理佢，佢就會順其自然消失。」，恩雅破涕為笑，東滿繼續講野，成段真係超神。屌你老母。
當東滿發飇而景世唔望佢既時候佢同樣感到煩躁，就好似之前兩人對調位置咁，其實景世一啲都唔明自己就係東滿，而其他人特別係佢老婆就一清二楚。預告下一集講兩個人問對方點解會互相討厭，或者就係佢地都唔鐘意自己，又係對方身上見到自己最差既一面，先會針鋒相對。但不論點都好，東滿呢種肆意傷害人既所謂直率﹑八婆會個女人既撩事鬥非﹑李導爛好人既偏心﹑以致恩雅不問情由去偏坦，都好討厭。
正正係咁，先構成到一台戲，一部有連貫情節既整體。