悶到嘔電。既無事亦無呻吟，夏日既強調為鬱燥難耐，看得心頭著火。
主演，小田切讓﹑松隆子﹑滿島光﹑高石明里。滿島光平白就兩場戲，共演配角都稱不上，本身衝住黎睇，結果嘥鳩氣。
松隆子既戲份都算大配角，但係角色蒼白無力，在與不在幾乎無關痛癢。一切講黎就喪子之痛，但係全片只關心佢一個閪女人不斷怪個老公，又同老公同事好友搭上。到底兩夫妻關係點解差到要不顧一切隊死老公？唔知。老公對個家庭係點？唔知。自己口話對個老公對呢幾年既日子無留戀﹑無記憶，可以鬆一口氣，咁個仔有無存在過都同你無關啦？仍然係閪住臉怪人。不明所以。
事實上，呢個角色唔存在，只由其他人口中講晒啲戲份都無問題。由同事口中知道佢出軌，由契家佬老婆口中知道有幾嚴重，由主角表現知道一切都可以忍住，甚至對主角人生軌跡毫無影響。就同全片落黎戲軌一樣，無講過野。
侄女以女主角身份登場，仍然係不明所以。點解咁孤僻？唔知。同店長表現睇甚至以為佢係聽覺有問題而造成性格扭曲。定還是老母好似無乜點教養佢所以一臉厭世？唔知。佢一條線對主角有乜影響？零。除左阻住扑野之外。一場餐店無啦啦鬧鳩同事極為兀突，對舅父主角既情誼無始無終，偏偏拍到好似有情愫曖昧又係眼都突埋，最尾久逢甘露痴Q左就真係痴撚線，導演編劇咁都拍得出真係神經病。
講咁多，主角到底係點既一回事？喪子幾時既事都無任何交待，實際點影響佢係唔知，勉強要講可能真係學佢話齋，乜都唔記得啦。老婆跟佬走佢除左忍住放手之外就係坦然接受，在於佢既人生又係一場失憶。個侄女黎左之後點干涉佢既生活？同場既戲近乎於零。日常生活都係兩條平行線，做黎把撚。一開始既失意只係強調佢無左份工又唔肯轉行，然後同舊同事傾完偈就肯去見工，舊同事過身就將就返餐館。咁，成套戲同其他所謂主要角色有乜柒關係？呢種孤獨就係你既人生同任何人都扯不上任何關係，就好似炎炎夏日咁，佢有佢曬，你有你曬，大欖都扯唔埋。咁都拍得出一套戲，真係恐撚佈。
屌你老母真係越講越垃撚圾。仲未講到END POST係主角好似發現新大陸咁係太陽底下充滿期待望住個天。對照前段大部份畫面都係塞係黑暗入面，唔知仲以為佢有咩咁大得著。無呀。乜撚都無呀。屌你老母。
唔知點解，更爛既片都睇過，都無咁嬲，可能個夏日真係令人燥燥地，部戲真係好成功。