Love this film madly.
以為《愛上平行時空的你》已經係上年既事，點知只係半年前，兩套都超愛。
Emily係前半段不斷推Owen去為自己既論文行動，暗地裡其實好睇到佢就係個個有病既人，只係另一個方向，完全拒絕愛情，擔驚受怕，成為另一種痴線。
而Owen，學佢講，佢係一個正常到唔正常既人。會一見鐘情，會有所行動，偶然或者大膽啲，但太過界既野唔會做；於是，係Emily既引誘之下，先做左傻事。
係唔係理性呢？有好多時候人做事就唔遵從理性，所以Emily先會以為咁樣論文就可以過骨。然後係過程入面Owen既角色越黎越立體，立體到唔似真人，點解咁純情，咁單純，咁有原則，有才華，又唔會怨恨身邊事呢？太理想了吧。
而Emily既轉變都係可見。又一開始有道德包袱，到慢慢重視Owen作為一個親近既人，到有意思，因為Amilee而呷醋，再掙扎自己既學業，到因為失去Owen而行動改變，所有事都有跡可尋，慢慢推進，好有層次。
各種配樂﹑聲效又不在話下。以年青校園﹑酒吧作主場景，唔同既Party Music自然不在話下，因為失望而Fade out既聲音，傷心時係山上面喊既靜謐，小情歌既溫柔，夜空下散步既格調，都好悅耳。
配角方面人數眾多，但係都有戲同有意義，無一個係閒人。關愛Owen既阿哥，兩兄弟間磨合既大嫂，能夠陪伴又會互屌既閨蜜，Trigger所有事又變成矛盾點既閨蜜男友，318個Emily，酒吧同伴，有魅力又聰明既Professor ETC，每一個人都會記住佢，有佢既高光時刻，真係勁難得。
拍攝上又用左好多唔同既方法處理命題，好有時代感。校園broadcast，social media，街頭認人，學校示威，上埋新聞，etc。
主旨雖然講愛情﹑依戀﹑自毀，但實則所有情感都包囊在內。朋友之間既相處同陪伴，親人既了解同安慰，面對舊情人以致不堪既愛戀，甚至被世人誤解要證明自己既自處。每一段關係﹑互動，乃至台詞都一定搵到insight。其中Emily同ET講「It doesn’t matter」，釋放自己，好為佢高興。
《Finding Emily》。世界上總有好多意外收獲到既Emily，亦有好多遺憾錯失既Amilee，係燃燒理性綻出既火花，都動人真摯。
最後片尾既後日談超喜歡，所有人既未來都交待到，而且唔老套，好想可以318個Emily咁，一直行落去。