值得紀錄。
約三個月前，見到又有徵文比賽，諗左幾日，終於狠心用全新小說參加。
剩餘日子，65日。
寫好目標，每日mark低進度，每日比心機去搞，一直唔錯。
除左內容真係馬馬虎虎之外。
再次証明我真係無咁既條件去寫野。
有啲位有vision，係幾正，但有啲銜接地方如以往地差。
加上時間﹑字數既限制，甚至有放棄既心態。
從來都無諗有人認同，但求完成到。
係，唔係圓滿就係廢，但完成都唔係一件易事。
最後催谷之下早一日寫起，字數似乎會爆，好彩多預一日去執。
Total 70,728 字。
Fact check左，比上次少二萬字。
原本構想就係大故事既一條橋，今次抽左出黎，想加啲野，都唔知點加。
結果係所有野都有所偏離，又修整唔到實淨既獨立故事，就強行起稿。
點都好，係一個努力既成果；即使又爛又臭，都係一段經歷。
上次之後個腦空白左幾年，今次好似好啲。
但係有邊個故仔有心執呢？
執黎都無謂。
上次個個，中途轉晒之後都唔記得晒。
再睇囉。