雙十二政變。
劇力萬鈞。
雖然勁多人物關係，開頭睇得有啲辛苦，但係只要大致記住人物嘴臉同時態發展，後面容易睇得明啲。
的確，戲黎講要將咁大個歷史舞台濃縮得一清二楚係好困難，非戰之罪。
只係唔知情就難跟啲。
中間兩邊不斷控制兵力進退用好多畫面分割黎增加緊張感，睇到血脈沸騰。
可惜真實結果昭然若揭，亦睇得好唔舒服。
點解要爭權奪利，點解咁多懦夫，點解無人憑良心做事。
即使係全斗光一方，去到最後其實好慘，一直都無人幫，淨係得班跟尾狗想坐享其成。
仲以為佢會覺得攰，點知係狂笑，睇黎我都係唔太容易代入呢種人既心思。
作為真實事件，總統都係一個亮點，睇返資料，佢的確有盡良心做事。
去到其位，多番拒絕，再補返事後時間，算盡左力。
掉返轉講，一開頭強硬咁去追究，成件事又會變成點。
真正有勇氣既，係死前都無為事件作個任何證詞。
真相係會被淹沒，但係嘩眾取寵，或者予人口實，或者事後孔明，都無意思。
起碼事後睇黎都係正人君子，身家清白。
當然本人點處世就不得而知。