唔記得由幾時開始鐘意睇古川琴音，而其實我甚至嗡唔得出睇過佢邊啲作品。
但係佢啲戲真係好好睇。
呢套劇，頭廿幾分鐘，場口唔多，每場都好好睇。
做佢個女既小妹妹都好勁。
頭一場幾分鐘都無既海邊散步，真係以為佢地係兩母女。
一個慈母既表現，明明只係96年生。
回到大學時期做新生，又係一個年輕人我行我素既模樣，めっちゃ可愛い！
正到靈堂張相望到都忍唔住心有戚戚然。
阿女表現又超正，個八婆話「楽しそうね」之後凝住左既笑容，真係想兜巴星落個女人度。
成日見啲人話評戲評劇淨係識講劇情有無咩大BUG，唔識去睇去讚演員點做得好，EFFECT點落得岩，道具佈景梳髮服點配得靚，呢啲人真係痴撚線。
莫講話一套戲，一場戲做得好想即時REPLAY睇多幾眼都難，尤其係出面戲院睇，邊有可能分到神逐樣去睇去點評。
古川琴音要簽abortion個段狂LOOP，都唔係每次睇得準佢啲微表情，就係咁好睇。
直頭想錄起做GIF SAVE低佢。。。
望一望時間線，三十分鐘既戲睇左成四十五分鐘。。。
好可惜，男主角既戲跟唔上。
最後一場「夏好き」「海好き」明明應該係感動位，感情又推唔上。
更可惜係古川琴音既戲應該。。。完左？
有都唔會多。。。
另外劇本對白有啲位好厲害，厲害在於寫出黎演埋出黎好睇得出 水季 係個幾咁立體既人。
仲要養到個女咁聰明咁生性。
稍微要挑剔既係用得太多「終わり」「始まり」，明係要點題，但係點到穿窿啦。。。
最後，係網版問題定點，收音超差。。。