哭成狗﹑好有意義﹑好好睇﹑好感人。。。。。。
完全唔識欣賞。
頭十幾分鐘既感想：「套戲到底可以點樣捱到個半鐘頭？」
完左套戲既心得：「真係咁都可以捱到個半鐘頭！」
其實唔係好明個戲名點解叫《Robert Dreams》，戲係終於Robot，但係始於Dog，即係，作為一個傻鳩狗佢係孤獨到連拍戲既人都無視左佢？
歌頌放手既偉大同時係，有意無意？咁去踐踏一個，傻鳩？
已經拍成動畫，真心唔想太講現實邏輯，只係套戲都講明機械人係會怕水，咁仲應唔應該講下道理。
成宗所謂悲劇就係由好多好多不公義所造成。
當然包括個片名唔見左傻狗啦。
到底點解唔比Dog入去救Robot？如果視Robot係生命應該叫白車，如果視Robot係財產應該去報警，我都知呢個世界唔公義既事本身就係咁唔公義，只係，無啦啦划艇都可以見到Robot，我唔可以怪Dog同Robot咁有情義，係咪只能夠怪個天？
個天明明係有問題，個編劇明明係懞撚左，仲可以點？
難怪有宗教信仰既人都痴痴地線。
Dog明顯係好怕孤獨，但係佢既孤獨又好似唔係好值得原諒，特別係一而再再而三地用到買Robot去識「情人」呢件事，感覺純粹就係佢想另一半馴服於佢咁。
Robot係個只懂有樣學樣既初生嬰兒，佢既Dreams入面Dog唔係唔應門就係有左第二個，佢既恐懼難道先係戲既主旨？
單純想講愛人﹑講離別﹑講放下，可以有千百種方法去講，搞咁大壇野出黎既結果係咁，不得不說句係嘩眾取寵。