點講呢，個種昏晦透光既調色一直散發住老套既味道，連拍法都好，老派。
前半既剪接亦零零碎碎，好似要交代一啲野，講完之後又趕去另一邊，跟住又跳，再跳，有村既鏡頭反而莫明拉長，好似花一大段講完佢唔舒服，又跳，又用一段時間講佢對BB敏感，再跳，又一大段講佢當年落仔既經過，再跳，又去返佢拜未出世既BB，又跳。
睇到有啲煩躁既時候心諗，係明既，前面想講佢既過去，講佢有遺憾，後面係想講有決意，比個基礎個角色防屌嘛。
明歸明，拍得唔好，係好難受。
套劇好可能係演員表現拉滿撐落去既好劇。
上一集係古川琴音，今集係大竹忍。
頭場接海既時候見到彌生，唔想多事。
對住海似水季既循循教導。
為左海搵夏，被問一句「なんで」，之後吐出一句「なんでですかね」。
直到最後由慍惱到接納夏，望住海既疼愛而無可奈何。
「水季似そう」「似そうだし」「言ったの」(台詞好似係咁)
仲有第一次撫摸海既頭髮：「水季も親だから」
明明都係將感情藏係心，亦都係好多感情混雜，無辦法簡單去表達既角色，大竹忍都將心底有既諗法表現到出黎。
最鐘意尾場海撲向夏既一幕，個定鏡擺明係谷情緒，做出黎都真係笑撚左，由頭到尾都好難投入海到底有幾鐘意夏，即使解釋完「この人までいなくなったら終わり」都係無乜感受，但係睇住大竹忍同樣由唔明，唔想，到無辦法地讓海去愛佢愛既人，個一下先夭中痛點。
對比起男主角，從頭到尾都係不知所措，毫無貢獻，一臉唔知發生乜事既表情，真係看不下去。
點解會咁受歡迎。偏偏。
明白角色係有呢種特質，又一次要用老母把口講「條友係不擅令辭，但係有思考」，老豆又加多句「就係諗得太多先唔好」，都，唔係咁吧。。。
第一集被分手既嬲怒同第二集既忽然愧疚做左殺人兇手係多左野睇，但係都只係「多左啲野」咁囉。
最難頂係下下都得罪成個世界咁，講講下野又一副「我唔岩」「對唔治」「我係受害者」既表情，本身個角色已經唔討好，演繹出黎更加乞人憎。
奇就奇在，好想睇下編劇可以點編，夏對住水季既時候真係特別開朗，唔單止表情豐富，識笑，連講野都似返個正常人咁有對答識講笑。
夏呀夏，你自以為經歷左乜野變到咁懶抑鬱呀。
希望之後會有著墨。
而古川琴音今集依然係亮點。
亮點到最意食既「鳩サブレー」都死埋SERVER，呢一刻都仲係403FORBIDDEN。
好想買黎食下。真心。
最後一場好溫馨動人既台詞，憑耳力希望無錯。
「海ちゃん、手洗いうがいしてね」
「ただいま」
「あ。うん。お帰り」
「今日ね、学校でいろいろあった」
「そう」
「聴いて？」
「ん」
「聞いて！」
「ん。あ。何があった」
「手洗いうがいしてくれ」
「居てね。そこに居てね」
下一集係情理之中既彌生想取代水季既戲碼，永遠站在水季一邊當然同樣唔甘心，只係，海のはじまり，水季呀，もういなくなったよ。:(