開線﹑轉變的一集。
全員溫馨善良脾氣好，其實好嘔心。。。
食得鹹魚抵得渴，撇除呢一點呢一集都唔錯。
有村想做海既媽媽，其實係想彌補自己落仔既，後悔？之後條線基本上都係，努力，成長，係咁囉。
婆婆忍唔住講唔甘心個度其實如果個格調冷返少少會好睇得多，唔需要發脾氣鬧或者點，但係都唔好三句唔埋兩句就SAY SORRY啦，個個都係咁真係睇到好火滾。
有村陪海玩完講一句：「楽しかった。」
諗左好耐，換做係水季應該都會有呢份心情，但一定唔會咁講咁表達。事實就係婆婆咁講，做人父母，唔係玩小朋友個一日半日，要用好多心機去教去湊，借育兒書返去睇都無用，更何況你根本連睇都未睇。
「別に尊敬しようなんて思っていない」。唔單止感傷「水季がいたはずなのに」，亦係希望啲人唔好成日懶偉大咁款。
同樣地唔比海去面對自己情緒個場都顯得有村太年少無知，但倒返轉頭，婆婆唔明，津野唔明，無人明海一直壓抑自己，得夏睇得出，其實有跡可尋，海唔只一次係夏面前唔比講水季既事，只係夏突然咁神勇講出感受，仲叫海It's okay to be not okay，真係有啲好笑。喂，你有資格話人咩？
夏既細佬去開解反而合情合理得多。。。(笑)
一開頭津野串佢個句真心正，「咪撚成日講SORLY好似人地係咁恰鳩你咁啦」。
夏係大半場戲都係個副死人樣，係尾聲似乎想認真諗做唔做老豆先有個認真樣，但係勁奇怪，個個moment先開始認真諗「係咪要做」，個樣已經變晒，咁真係有決心個陣呢？再講，你之前個腦裝屎？諗野都要分三成五成七成去思考？
仲要推返個波比海問「はじめてほしいとこと？」
海答完「你唔需要」之後更加係大條道理咁話唔想輕易決定，條友到底邊忽值得水季鐘意。。。
中間攝一場workplace上司要去陪產其實好突兀，專做出黎整到夏成個白痴仔咁。
「陪產即係要做乜？」
「就係陪住囉」
「就咁咋？咁有咩用？」
對照前前後後夏既老母同帶住異父異母既細佬一齊組成新家庭個種「單純地存在，慢慢就成為一家人」，或者「想多啲陪海，但係任由海同有村去玩去做功課，自己坐埋一邊乜都唔理」既反應，真心覺得夏呢幾十年人白做。
而夏同海講佢細佬既爸爸唔係佢爸爸，然後海答佢「我明呀，即係你有兩個爸爸囉！」呢下又諗返水季。
如果加多句「水季有教過我！」就好正，雖然水季唔係呢個意思啦。(笑)
編劇上除左係寫夏既白痴一絕之外，透過海去講「陪伴」﹑「家人」都寫得好好。
作為小朋友既視點，什麼成為爸爸﹑父母責任，其實係不明所以。最基本對佢黎講只係「いなくならない」就夠。
又呼應返一開頭水季話佢唔會唔係度，第一集第一幕又有叫海即管向前走，佢一直都係度。哭了。
「責任好難明，唔好唔係度，你懂吧。」