無以名狀的憂鬱。
「回憶係潮濕﹑腐爛」，從呢部戲的確感受到呢個比喻既力量，不過依然無感。
有感既係戲。
古老既攝錄機，到陳舊既記憶，到處朦朧既景象，訴說著被人工洗刷既腐朽。
洗刷，亦係察覺，父親既壓抑先被女兒一再揭示。
戲中對父親﹑女兒既描述都唔多，基本上都係各種互動，尤其在無聊既度假屋到過活，所做既事唔多，仍然有各種細節體現出父女之間既情緒﹑關係，係難以學習既細緻。
透過後設女兒既回憶，父親一直都係陰沉既模樣，而女兒一直感覺得到，當中既矛盾就係父親好努力去愛護女兒，唔比對方受傷，最後大家都受傷。
受傷過後，因為愛，雙方都會讓步道歉；被愛連結既人，會唔會係「愛」過於沉重，令父親無法承受？
就好似女兒一點點萌芽既喜歡，明明好開心，完場就會失落，不知何去何從又失去女兒既父親大抵修補唔到心裡既洞。
唔同反射﹑透視﹑對照﹑空鏡﹑等待既鏡頭都充滿味道。
父親既一舉一動都又愛又沉，連太極﹑跳舞都份外吸引。
反覆出現既閃回令我覺得最後父親反常地起舞係女兒單方面既回憶創造，只係不論真假，已自殺既父親都留低左最理想既印象比女兒。
我係咁去解讀的。
結尾既送機極度真實而典型，轉過黎女兒既鏡頭反而非觀眾既惆悵，而係，訓著？
鏡頭繼續迴轉，音樂重新響起。提住攝錄機既父親處身空洞既走廊，悲喜參半地回到閃現既DISCO房。
整部戲都充滿愛。