全集用左好多次黑幕轉場，感覺就係毫無編排，將啲狗血場口搬晒出黎就算咁。
觀感係唔好，勝左場口唔錯，最理想係主要講述津野同水季既前因後果，少左好多夏個一邊當下既情景。
不過，好坦白，一有夏同彌生，就覺得好嘔心。
特別係彌生。
第二幕佢整可樂餅比海食，一心諗住自己整會勝過水季，可以做更好既媽媽，已經想屌柒佢。
一黎點解要比較，二黎點解會覺得水季幸福到可以親手整可樂餅比海。
完全唔理解單親有病既媽媽帶住小朋友既辛勞，開口埋口就話自己想做阿媽，簡直喪心病狂。
劇本上當然話佢整得同超巿買既一樣好食，我倒想知道如果小朋友話「可樂餅唔係咁既味」，成班人既價值觀會變成點。
中間又話好羨慕水季雖然早逝，但係有好多好好既回憶。
咩料。你幾十歲人無病無痛，又未死，以前當你唔好彩真係天生整定你無把握美好回憶既能力同自覺，咁之後咪自己好好努力囉。你妒忌都還好，因為你無；羨慕？你無係你唔識做人咋？
唔好乜野都怪其他人。好多時你以為既唔好彩係你自己既問題﹑自己既選擇。
最尾尾津野話彌生同水季有啲似，劇本特登引用兩個對「母性」既唔認同黎講。
其實好明顯，兩個人既思考係差天共地。
彌生唔認同係因為自己阿媽對佢唔好，所以心裡有恨，「做人阿媽唔一定有母性」係佢既切膚之痛。
相反，水季阿媽一直好錫佢，由得佢任性生仔，搬出去住，有病都唔理，一切以海為先。呢一切水季都心知肚明，同一番說話「做人阿媽唔一定有母性」係佢對事物既理解同移情，而唔係單方面既情緒發泄。
淨係呢樣已經令兩個人有好大分歧。
講開，大竹忍明明唔捨得個女放棄自己去為海做足一切，串佢「交待完海啲野你乜都得啦」既時候仍然衷心表達出對女兒既愛護，真係好好睇。
而津野叫彌生唔好好似水季咁乜都自己一個去撐，其實彌生既「一個人」只係一種叛逆，人地覺得佢做唔到媽媽咩？佢就係都要做凸一百分去證明自己乜都得，出發點依然係為自己；反之水季既「撐」係考慮其他人之後決定自己一個，或者外人睇係任性﹑唔理人，甚至倒過黎係傷害左人，但係佢從頭到尾都無諗要「一個人」，佢地兩個直頭南轅北轍。
當然，劇本唔係咁諗，觀眾都唔係咁諗。。。。
講返古川琴音，開場分幾鐘帶海去舊居又係LOOP左好耐，佢講「ママがいなくなっちゃても、海が夏君に会いたいときに会えるように、一緒に練習しよう」既心情好有FEEL。
中間講自己好安心咁交待完啲野，就開始好驚會離開海之後爆喊，又係好心酸。
同樣難過係池松壯亮多個場口。收到水季死訊個到既搓心失聲喊就梗係好睇啦，因為水季唔想比海見到自己痛到變形而叫津野帶走海，佢個份要守護二人既決心係個紅晒眼既表情表露無遺，個場先超班。
前者係拍法上難得可取。電話響完接左之後一片寧靜，無BGM，無話筒聲，無人講野，得環境雀仔聲，一個人既表演，比其他插入BGM既戲難度更高。
至於後者，小演員真係幾襟睇。幾句對白基本上都係直接而催淚：「また痛いの？薬飲んだ？治る？」但係演到寫出黎既悲哀，其實係難得。