算唔算做「電影」，始終唔認同佢係。
不論鏡頭﹑演員﹑配樂，都無法為一場傾左個幾鐘既二人對話增添什麼。
特別係塞車停低一段，只係兩個人係咁有一句無一句咁對話，談何「創作」。
不論one situation drama還是公路電影既劇本都寫過﹑甚至嘗試過做製作既我，覺得自己寫得仲好。
睇完戲即刻查下自己坐過最長既的士車程係幾耐，大約係四十分鐘以內，由機場出巿區。
根據GOOGLE加少少路況時間，相信係。
雖然加上塞車，但係條女由機場去屋企要我兩倍時間，到底美國有幾大。
又，TIPS都比到500蚊美金，佢到底有幾有錢。
題外話而已。
睿智既的士司機，好似早已經係老生常談，宣傳亦講到一程車可以點交流點領悟人生，BULLSHIT。
兩條友講黎講去就係男人點鐘意釣魚﹑點有性無愛；女人點渴求被愛﹑點遇人不淑，根本通街都有人發牙痕講同樣既野。
能夠從咁既對話領悟到人生，個個人既人生都幾蒼白。
或者，對一個陌生既乘客兼女主角黎講會有深刻領悟﹑會對自己人生有所反思甚或改變，WHICH，完左程車﹑完左套戲，作為外人既觀眾無被交待到任何事。咁，都唔等於要對其他人公開你既經歷同對話。
因為真係毫無意義。
總之係呢一百幾十分鐘裡面我同坐係PANTRY聽班女同事無野搵水吹既狀態係無任何分別，一樣咁無營養。
除左女主角養眼好多，同靜好多之外。