古川琴音真係好可愛。
今集罕有地夏有發怒既戲份，幾乎由頭帶到尾，雖然唔同角色都講出口話「夏在生氣嗎？」，而且演員係睇得到同之前無黎神氣呆頭呆腦有明顯分別，但係個種明顯。。。。。。
有幾場戲都有RELOOP返去睇佢既演繹，都FEEL到有種嬲怒，但係。。。。。
簡單啲講，池松壯亮得一場戲仔，佢一講「怖いですね。何が書かれているんですかね。(笑)」既時候就覺得好惡作劇，好好笑，而毋需要返轉頭睇佢有咩做過表現左咩出黎。。。。
就係咁囉。
至於本身個角色，其實再屌都無用，就係唔岩KEY，唔好比我識到啲咁既人。。。
自己講自己就係「相處過有深思熟慮去決定做海既爸爸」，調返轉問自己老豆點解一直無聯絡自己，就覺得唔開心，咁老豆都只係「相處過有深思熟慮知道自己無能力做爸爸」而唔做者，你有乜好怨人？
特別係全套劇都散發一種氣息，「親生老豆應該接受佢既存在，應該同小朋友有強烈羈絆」。
實情係，津野係行動上TAKE OVER老豆既責任多多聲喎，點解大家都鐘意夏多過津野？點解津野同海既羈絆可以話斷就斷？
好恐佈。
好現實。
現實好恐佈。
夏親生老豆既描寫好好，雖然又係無神神扮衰人，又無神神做好人係咁講自己心底話，勁戲劇作用，但係佢先係全套劇最正常既人。
「大家都好溫柔，所以唔想再令大家傷心，將說話感情收埋係心。」
結果所有人都更加唔開心，更加自責，又更加怪責對方。
所謂善意就係通往地獄既路。就係咁廉價。
又一次提醒自己，要做衰人。
然後夏基本上抉擇左唔再同呢個人有交往。OK。FINE。
下一集應該輪到有村表現，睇下編劇點扭曲到所有人都懶係好心腸去委屈大家，都唔知係種趣味定折磨。